Dövlət bankı Azər Türk Bankın son dövrdə qurduğu ekosistem hüquqi şəxs və fərdi sahibkar olan müştərilərə onlayn qaydada xidmət göstərməyə tam imkan verir.
Müştərinin istənilən bank xidmətini internetdən, mobil əlavədən və digər vasitələrlə məsafədən əldə edə bilməsi üçün Bank tərəfindən hər bir şərait yaradılmışdır.
Belə ki, sahibkar Azər Türk Bankın internet səhifəsinə daxil olub onlayn müraciət göndərməklə fərqli valyutalarda, heç bir ödəniş etmədən müxtəlif növ hesablar açmaq imkanına malikdir.
Bankın “ATB business” internet-bankçılıq xidmətinə qoşulmaqla müştərilər öz hesablarını dünyanın istənilən nöqtəsində, günün istənilən vaxtı izləyə və idarə edə, bank əməliyyatlarının geniş çeşidini banka gəlmədən həyata keçirə bilir. Qeyd edək ki, Azər Türk Bankda hesabı olmayan şəxslər də “ATB Business” internet-bankçılığa qoşula bilərlər. Qeydiyyat zamanı onlayn hesabın açılması barədə həmin şəxsə təklif gəlir. Hesab açıldıqdan sonra qeydiyyat Bank tərəfindən tamamlanır.
Son texnologiyaların tətbiqi sayəsində “ATB Business” xidmətindən istifadə intuitiv şəkildə aparılır, əsasən qayda və təlimatlara müraciət etməyə ehtiyac qalmır.
Bu proqramın birbaşa olaraq müştərilərin şirkət daxili kargüzarlıq sistemlərinə qoşulması (API inteqrasiya) və ödənişlərin məcmu şəkildə imzalanması (təsdiqlənməsi) mümkündür.
Eləcə də “ATB Business Mobile” tətbiqindən istifadə edən müştərilər də əməliyyatları banka gəlmədən, onlayn rejimdə, rahat şəkildə həyata keçirir. Qeyd edək ki, bu tətbiq mütəmadi olaraq yeni imkanlarla zənginləşən, çoxfunksiyalı “ATB Business” internet-bankçılıq xidmətinin mobil versiyasıdır.
Sahibkar müştərilər Bankın E-POS xidmətindən də məmnuniyyətlə istifadə edirlər.
Bankın müştərilərin istifadəsinə verdiyi E-POS xidməti virtual ödəniş qəbulu terminalıdır. Bu xidmət sahibkarın gördüyü iş və ya təqdim etdiyi məhsul müqabilində kartlarla aparılan ödənişlərin onlayn qaydada qəbul edən unikal vasitədir.
E-POS xidmətinə qoşulan sahibkar məhsul və xidmət əldə etmək istəyən müştərilərinə onlayn ödəniş üçün istənilən sayda link (keçid) yaratmaq imkanına malik olur. Alıcı, Bank tərəfindən SMS və ya e-mail vasitəsilə göndərilən linkə daxil olmaqla, istənilən bank kartı ilə ödəməni həyata keçirir. Bütün əməliyyatlar “3D Secure” protokolu ilə qorunur.
Qeyd edək ki, “Elektron ticarət” (E-commerce) xidməti istifadəçiləri avtomatik olaraq E-POS xidmətinə qoşulmuş hesab edilir və hər iki xidmətdən eyni anda faydalana bilərlər.
Bankın xidmət ofislərində ADM terminallar quraşdırılmışdır ki, bu da korporativ müştərilərə, bank əməkdaşları ilə təmasda olmadan, sərbəst şəkildə hesabları üzərindən nağd məxaric və mədaxil əməliyyatları aparmaq imkanını verir.
Bankın saytında hüquqi şəxslər və fərdi sahibkarlar üçün yaradılmış https://hub.atb.az/ səhifəsi istifadəçilər tərəfindən məmnunluqla qarşılanıb.
Belə ki, qeyd olunmuş portal üzərindən müştəri sifarişlərinin qəbulu ilə yanaşı, müxtəlif növ sənədlərin elektron şəkildə bir və ya ikitərəfli qaydada imzalanması həyata keçirilir.
Azər Türk Bank klassik bank modelindən uzaqlaşmaq, müasir elektron xidmət şəbəkəsi qurmaq əzmindədir.
Bankın məhsul və xidmətləri barədə ətraflı məlumatı www.atb.az saytından, bankın sosial şəbəkələrdəki rəsmi korporativ səhifələrindən, WhatsApp (055) 3000 945, yaxud (012) 945 nömrəli Məlumat Mərkəzindən əldə edə bilərsiniz.
