Cari ilin fevral ayının sonuna “Muğanbank” ASC-nin müştərilərə verilmiş kredit portfeli 2020-ci il ilə müqayisədə 11113,01 min manat artaraq, 347059,06 min manat təşkil etmişdir. Ötən il bu rəqəm 335946,05 min manat təşkil etmişdir.
Eləcə də bax: “Muğanbank”ın reytinqlərinin proqnozu - “Neqativ”dən “Stabil”ə Dəyişdirildi
Eyni zamanda, “Muğanbank” ASC-nin cəmi aktivləri 2020-ci il 590906,22 min manatdan 12410,59 min manat artaraq, cari ilin fevral ayının sonuna 603316,81 min manata yüksəlmişdir.
Cari ildə “Muğanbank” ASC yüksək Ani Likvidlik Əmsalı göstəricisi nümayiş etdirmişdir. Belə ki, müvafiq əmsal 2020-ci ilin sonunda 56.85%-dən 2021-ci il fevral ayının sonuna 81.14%-ə yüksəlmişdir ki, bu da bankın likvidliyinin adekvat səviyyədə olmasını göstərir.
Dövr ərzində bankın məcmu kapitalında da artım müşahidə olunmuşdur. “Muğanbank” ASC-nin məcmu kapitalı 2020-ci il dekabr ayının sonuna 91696,99 min manat təşkil etmişdir. 2021-ci il fevral ayının sonuna olan vəziyyətə isə bu göstərici 2354,33 min manat artaraq 94051,32 min manat olmuşdur.
“Muğanbank” ASC ötən ili 707,44 min manat xalis mənfəətlə başa vurmuşdur. 2021-ci ilin fevral ayının göstəricisinə əsasən bankın xalis mənfəəti 2052,67 min manat təşkil etmişdir ki, bu da ötən ilin sonu ilə müqayisədə 1345.23 min manat çoxdur.
Azərbaycan maliyyə-bank sektorunun tanınmış qurumlarından biri olan
” Muğanbank” ASC 1992-ci ildə fəaliyyətə başlamışdır. Hal-hazırda Bankın ölkə ərazisində 27 filialı və 10 şöbəsi, həmçinin Moskva şəhərindəki nümayəndəliyi hər növ bank məhsulları üzrə keyfiyyətli xidmət göstərir. “Muğanbank” ASC ABŞ Beynəlxalq İnkişaf Agentliyi (USAID), ICBC Bank – Industrial and Commercial Bank of China təşəbbüsü ilə yaradılan “Belt and Road Bankers Roundtable Mechanism” (BRBR – “Bir Kəmər-Bir Yol” Banklarının Dəyirmi Masası), Avropa Yenidənqurma və İnkişaf Bankı (EBRD), Beynəlxalq Maliyyə Korporasiyası (IFC), ABŞ-ın WorldBusiness Capital (WBC) investisiya fondu, Xarici Özəl İnvestisiyalar Korporasiyası (OPIC), Özəl Sektorun İnkişafı üzrə İslam Korporasiyası (ICD), İnkişaf üçün Yaşıl Fond (GGF), Cənub-Şərqi Avropa üzrə Avropa Fondu (EFSE), Almaniya Əmanət Banklarının Beynəlxalq Əməkdaşlıq Fondu (SBFIC) kimi beynəlxalq iqtisadi qurumlarla əməkdaşlıq edir.
