Azərbaycan Mərkəzi Bankı (AMB) 2019-cu ili 69,2 milyon manat mənfəətlə başa vurub. Halbuki, qurum 2018-ci ildən 60,3 milyon manat zərərlə çıxmışdı.
Eləcə də bax: Mərkəzi Bank aktivlərini - 3% ARTIRIB
FED.az xəbər verir ki, ötən il AMB-nin faiz gəlirləri 231,7 milyon manat (əvvəlki ilə nisbətən 15,1% çox), faiz xərcləri 234,3 milyon manat (22,2% az), haqq və komissiya gəlirləri 17 milyon manat (3,6% çox), haqq və komissiya xərcləri 4,3 milyon manat (9,6% az) olub.
AMB-nin ticarət qiymətli kağızlarının yenidən qiymətləndirilməsi üzrə xalis gəliri 12,4 milyon manat (əvvəlki il zərər olub), satış üçün mövcud olan qiymətli kağızların realizasiyası üzrə xalis gəliri 65,4 milyon manat (38% çox) təşkil edib.
Bankın törəmə maliyyə alətlərinin yenidən qiymətləndirilməsi üzrə xalis gəliri 5,1 milyon manat (78,1% az), likvidlik fondlarının vəsaitlərinin yenidən qiymətləndirilməsi üzrə xalis gəliri 20,9 milyon manat (83,4% çox), xarici valyuta mövqeyinin yenidən qiymətləndirilməsi üzrə zərəri 2,8 milyon manat (94,6% az), qiymətli kağızların dəyərsizləşməsi üzrə zərəri 39 min manat (74,5% az) olub.
Xarici valyuta əməliyyatları üzrə xalis gəliri 748 min manat (28,7% az), sair əməliyyat gəliri 30,5 milyon manat (3,5 dəfə çox), sair xərcləri 48,3 milyon manat (əvvəlki il olmayıb), dəyərsizləşmə üzrə gəliri 29,6 milyon manat (50,9% az), inzibati və sair əməliyyat xərcləri isə 54,4 milyon manat (17,7% az) təşkil edib (Report).
