Azərbaycan Respublikasının Mərkəzi Bankı (AMB) tədavülə buraxılan yubiley və xatirə pul nişanları barədə məlumat yayıb.

Bankdan bildirilib ki, AMB tərəfindən 1996-cı ildən etibarən ölkənin görkəmli şəxsiyyətlərinə, tarixinə, mədəniyyətinə, incəsənətinə, eləcə də ictimai-siyasi və tarixi proseslərini əks etdirən mövzulara aid, müxtəlif qiymətli metallardan hazırlanmış yubiley və xatirə pul nişanları istehsal olunaraq tədavülə buraxılır. Belə ki, Mərkəzi Bank tərəfindən ümummilli lider Heydər Əliyevin xatirəsinin əbədiləşdirilməsinə və Ulu Öndərin anadan olmasının 90-cı və 95-ci illik yubileyinə, Azərbaycanın dahi şairi Məhəmməd Füzulinin 500 illiyinə, Azərbaycan Respublikasının dövlət müstəqilliyinin bərpa edilməsinin iyirminci ildönümünə, Milli mətbuatın 135 illik, Mərkəzi Bankın 20 illik yubileyinə, Naxçıvan Muxtar Respublikasının 85-ci və 90-cı illiyinə, eləcə də müasir tariximizin ən böyük nailiyyətlərindən olan "Əsrin müqaviləsi", TANAP, "Azerspace-1", "Bakı-Tbilisi-Qars" layihələrinə və birinci Avropa Oyunlarına, Azərbaycan Xalq Cümhuriyyətinin yaradılmasının 100 illiyinə həsr olunmuş və sair mövzularda yubiley və xatirə pul nişanları istehsal olunaraq tədavülə buraxılıb.

Yubiley və xatirə pul nişanları barədə məlumatlar Mərkəzi Bankın rəsmi internet səhifəsində "Milli pul nişanları" bölməsində yerləşdirilib (link:https://www.cbar.az/moneymarks/coins?category=2).

Yubiley və xatirə pul nişanlarını əldə etmək istəyənlər bankın Elektron Xidmtələr portalında "Elektron müraciətlər sistemi"nə daxil olaraq sifariş edə (link:https://contact.e-cbar.az/?AspxAutoDetectCookieSupport=1), eləcə də Mərkəzi Bankın əsas inzibati binasında və ərazi idarələrində yerləşən kassa xidmətinə müraciət edərək əldə edə bilər.

​Satışda olan yubiley və xatirə pul nişanları və onların qiymətləri barədə məlumat cədvəldə göstərilib.Əlaqələndirici şəxs: Arzu Qəhrəmanova, Tel: +99412 493 11 22 (daxili: 386).

 Satışda olan yubiley və xatirə pul nişanları və onların qiymətləri

(04.04.2019-cu il tarixə) barədə məlumat

Qeyd 1: 1 unsiya = 31.1 qr

Qeyd 2: Yubiley və xatirə pul nişanlarının qiyməti onların Mərkəzi Bankdan satın alındığı günə qiymətli metalların dünya bazarındakı qiymətindən asılı olaraq dəyişə bilər.