Azərbaycan Respublikası Mərkəzi Bankı (AMB) vəsaitlərin cəlb edilməsi üzrə növbəti dəfə depozit hərracı keçirəcək.

AMB-dən FED.az-a verilən xəbərə görə, sentyabrın 5-də keçiriləcək depozit hərracında 100 milyon manat məbləğində vəsaitin cəlbi nəzərdə tutulur. Depozit hərracının müddəti 13 gün təşkil edir. "Bloomberg" ticarət platformasında keçiriləcək hərrac üzrə faiz dərəcələri 10,01 - 14,99% təşkil edir.

Hərracın tarixi: 5 sentyabr 2017-ci il;

Hərracın keçirilmə vaxtı: 11:00-11:15;

Platforma: Blumberq ticarət sistemi;

Hərracla bağlı məlumatın platformada göndərilmə vaxtı: 10:00;

Hərracın forması: hibrid hərrac;

Məbləğ: 100 000 000 (yüz milyon) manat;

Müddət: 13 gün;

Faiz dərəcəsi: 10,01% – 14,99%.