İyulun 31-də Azərbaycan Respublikasının Mərkəzi Bankı (AMB) tərəfindən vəsaitlərin cəlb edilməsi üzrə depozit hərracı keçiriləcək.

AMB-dən FED.az-a verilən məlumata görə, hərracda 100 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. "Bloomberg" ticarət sistemində keçiriləcək hərrac üzrə faiz dərəcələri 10,01-14,99 faiz təşkil edir.

Hərracın tarixi: 31 iyul 2017-ci il;

Hərracın keçirilmə vaxtı: 11:00-11:15;

Platforma: Blumberq ticarət sistemi;

Hərracla bağlı məlumatın platformada göndərilmə vaxtı: 10:00;

Hərracın forması: hibrid hərrac;

Məbləğ: 100 000 000 (yüz milyon) manat;

Müddət: 14 gün;

Faiz dərəcəsi: 10,01% – 14,99%.