Bank Respublika 2018-ci ilin üçüncü rübünə dair maliyyə hesabatlarını açıqlayıb. Hesabatlara əsasən, üçüncü rübdə Bank pozitiv dinamikanı davam etdirməyə müvəffəq olmaqla müsbət əməliyyat və maliyyə nəticələri göstərib.
ELƏCƏ DƏ BAX: Azərbaycanda pulu havadan gələn bank – HESABAT
FED.az xəbər verir ki, 1 oktyabr 2018-ci il tarixinə bankın aktivləri 976 milyon manatdan çox olub ki, bu da ikinci rübün göstəricisindən 14% çoxdur. Üçüncü rübün nəticələrinə görə bankın xalis mənfəəti iki dəfə artaraq 1 milyon 213 min manat olub. Həmçinin, əmanət portfelinin artımını xüsusi olaraq vurğulamaq lazımdır. Belə ki, ötən ilin üçüncü rübünə nisbətən bankın əmanət portfelində 55% artm qeydə alınıb.
"Əsas maliyyə göstəricilərinin müsbət dinamikası yeni texnologiyalardan istifadə edərək kiçik və orta sahibkarlığın inkişafına dəstək verməyi nəzərdə tutan bankın inkişaf strategiyasını mərhələli şəkildə həyata keçirməklə əldə edilib. Bank Respublikanı əsas maliyyə tərəfdaşı kimi seçən müştərilərin sayının artması bizim üçün sevindirici haldır. Bu ilk növbədə ölkə üzrə bütün müştərilərə keyfiyyətli maliyyə xidmətləri göstərməyə çalışan komandamızın gərgin əməyinin nəticəsidir. Bizim əsas prioritetlərimiz sırasında - yeni məhsulların təqdim edilməsi, mobil bankçılıq və müştərilərə distant xidmət kanallarının gələcək inkişafı yer tutur "- deyə “Bank Respublika”nın İdarə Heyətinin sədri Asəf Namazov bildirib.
ELƏCƏ DƏ BAX: «BANK VTB»nin vəziyyəti məlum oldu – HESABAT
ELƏCƏ DƏ BAX: Bankların 3-cü rüb yekunu - MƏNFƏƏT-ZƏRƏR - SİYAHI, YENİLƏNİR
Mənfəəti 2 dəfə artıb - BANK HESABATI
11:13
29 Okt 2018
