Oktyabrın 23-də “Muğanbank” ASC-nin səhmdarlarının növbədənkənar ümumi yığıncağı keçirilib.
FED.az xəbər verir ki, bankın məlumatına görə, yığıncaqda “Muğanbank”ın nizamnamə kapitalının 10 mln. manat və yaxud 13,3% artırılaraq 85 mln. manata çatdırılmasına qərar verilib. Kapital artımı dövriyyəyə yeni səhmlərin buraxılması yolu ilə həyata keçiriləcək.
Xatırladaq ki, "Muğanbank" 1992-ci ildə yaradılıb. Onun səhmlərinin 63,5%-i Elmir Maqbet oğlu Mehdiyevə (Bankın Müşahidə Şurasının sədri), 13,1%-i Maqbet Rəhim oğlu Mehdiyevə, 12,05%-i Vəfa Əhməd qızı Vəliyevaya, 11,35%-i isə Fəridə Cahandar qızı Mehdiyevaya məxsusdur.
