«DəmirBank»ın borclularına daha 30 gün vaxt verildi
Ləğv edilən “DəmirBank” ASC-nin borclularına daha 30 gün vaxt verilib. FED.az xəbər verir ki, bu barədə Əmanətlərin Sığortalanması Fonduk məlumat yayıb. Məlumatda bildirilir ki, Bakı Apellyasiya Məhkəməsinin 6 mart 2018-ci il tarixli qərarına əsasən, ləğv prosesində olan “DəmirBank” ASC-nin kreditorlarının tələblərinin qeydiyyatı əlavə 30 təqvim günü müddətinə uzadılıb.
Ləğv prosesində olan “DəmirBank” ASC-nin kreditorları öz tələblərinin hüquqi əsasını sübut edən sənədləri və aşağıdakı məlumatları təqdim etməlidirlər:
-kreditorun adı və ünvanı;
-tələbin əsas məbləğinə daxil edilən faizlərin və digər haqların məbləğləri;
-tələbin təminatı olan girov (ipoteka) və ya qarantiya barəsində məlumat.
Kreditorlardan xahiş olunur ki, 6 mart tarixindən 30 (otuz) gün ərzində “DəmirBank” ASC-nin ləğvedicisi təyin edilən Əmanətlərin Sığortalanması Fonduna aşağıda qeyd edilən ünvana müraciət etsinlər:
Bakı şəhəri, Qarabağ küçəsi, 31, ləğv prosesində olan “DəmirBank” ASC-nin “Əməliyyat idarəsi” filialı.
Əlavə məlumatlar ücün əlaqə nömrələri
(+99412) 444-71-71
(+99412) 447-77-44
(+99412) 596-65-91
Qaynar xətt – 941.
