“AtaBank” ASC-nin İdarə Heyəti sədrinin müavini Emil Əmirov istefa verib.
3 ilə yaxındır “AtaBank”da çalımış Emil Əmirovun istefası Beynəlxalq Banka peşəkar kadrların cəlb edilməsi prosesinin tərkib hissəsidir. Marja-nnı verdiyi məlumata görə, Emil Əmirov “AzəriKard” MMC-yə dəvət alıb. Onun MMC-nin direktoru vəzifəsinə təyin olunduğu da danışılır.
Qeyd edək ki, Emil Əmirov, Beynəlxalq Bankın İdarə Heyətinin sədri vəzifəsini icra edən Xalid Əhədovun Müşahidə Şurasının sədri olduğu “MilliKart”da İcraçı Direktorun müavini vəzifəsini icra edir.
Əmirov Emil Etibar oğlu 1978-ci ildə Salyan rayonunda anadan olub.
Qafqaz Universitetinin Dövlət və Bələdiyyə İdarəetməsi fakültəsini və Azərbaycan Dövlət İqtisad Universitetinin Maliyyə və Kredit fakültəsini bitirib.
2000-2001-ci illərdə Azərbaycan Respublikası Silahlı Qüvvələrində hərbi xidmət keçib.
11 mart 2002-ci il tarixində Azərbaycan Respublikası Milli Bankında Ödəniş Sistemləri və İnformasiya Texnologiyaları Departamentinin İnformasiya Texnologiyalarının İnkişafı Şöbəsində aparıcı mütəxəssis qismində əmək fəaliyyətinə başlayıb.
26 mart 2003- cü ildə elə həmin şöbənin rəisi vəzifəsini icra etməyə başlayıb.
03.01.2005-ci il tarixində Azərbaycan Respublikası Milli Bankının nəzdində olan “MilliKart” Prosessinq Mərkəzinin Texniki Şöbəsinin rəisi vəzifəsinə təyin olunub.
02.10.2006-cı il tarixində “MilliKart” Prosessinq Mərkəzinin Milli Bankdan ayrılması səbəbilə vəzifəsindən azad olunub və yeni yaradılmış “Milli Kart” MMC-də Texniki Şöbənin rəisi vəzifəsinə təyin olunub.
16 oktyabr 2006-cı il tarixindən etibarən “Milli Kart” MMC-də İcraçı Direktorun müavini vəzifəsini icra etməyə başlayıb.
01 yanvar 2008-ci il tarixində isə İcraçı Direktorun müavini vəzifəsinə təsdiqlənmişdir.
18.03.2013-cü tarixindən etibarən AtaBank-ın İdarə Heyətinin üzvü seçilmiş və İcraçı Direktor vəzifəsində çalışmışdır.
12.04.2016-ci il tarixindən etibarən isə "AtaBank" ASC-nin İdarə Heyəti sədrinin müavini təyin olunmuşdur.
Bankçılıq üzrə bir çox yerli və ya beynəlxalq seminarlarda, treyninq-kurslarda, simpoziumlarda və digər tədbirlərdə iştirak edib.
