2019-cu ilin 9 ayı (yanvar-sentyabr) ərzində Azərbayacanda əməkhaqqı kartlarının sayı 172 min ədəd artıb, kredit kartlarının sayı isə 97 min ədəd azalıb.
2019-cu ilin Sentyabr ayının sonunda Azərbaycanda cəmi ödəniş kartlarının sayı 7 milyon 267 min ədəd təşkil edib.
FED.az Mərkəzi Bankın statistikasına istinadən xəbər verir ki, Avqust ayının sonu ilə müqayisədə Sentyabrda cəmi ödəniş kartlarının sayı 58 min ədəd artıb.
Eləcə də bax: Azərbaycanda kredit ittifaqlarının - NƏ QƏDƏR KREDİT VERDİYİ AÇIQLANIB
Artım Yanvarda 39 min ədəd, Fevralda 74 min ədəd, Martda 0 ədəd, Apreldə 97 min ədəd, Mayda 247 min ədəd, İyunda 43 min, İyulda 121 min ədəd, Avqustda 77 min təşkil etmişdi.
Avqust ayı ilə müqayisədə Sentyabrda əməkhaqqı kartlarının sayı 30 min ədəd artaraq 2 milyon 212 min ədədə, əməkhaqqı və sosial kart olmayan digər debet kartlarının sayı isə 75 min ədəd artaraq 1 milyon 638 min ədədə çatıb. Sosial kartların sayı 39 min ədəd azalaraq 2 milyon 654 min ədədə, kredit kartlarının sayı isə 8 min ədəd azalaraq 763 min ədədə düşüb.
2018-ci ilin sonu ilə müqayisədə isə yanvar-sentyabr ayları ərzində (9 ayda) cəmi ödəniş kartlarının sayı 756 min ədəd, o cümlədən sosial kartların sayı 132 min ədəd, əmək haqqı kartlarının sayı 172 min ədəd, sosial kart və əməkhaqqı kartı olmayan digər debet kartlarının sayı isə 549 min ədəd artıb. Kredit kartlarının sayı isə 97 min ədəd azalıb.
Marja
