FED.az Banker.az-a istinadən xəbər verir ki, Azərbaycanda 2019-cu ilin ilk 9 ayı ərzində maliyyə mənbələri üzrə əsas kapitala yönəldilmiş vəsaitlərin həcmi cəmi 10 milyard 146,2 mln. manat təşkil edib.
Bu barədə Statistika Komitəsi məlumat verib.
Bu göstərici isə 2018-ci ilin analoji dövrü (yanvar-sentyabr) ilə müqayisədə 2% azalma olması deməkdir.
Burada müəssisə və təşkilatların vəsaitləri 5 milyard 831,2 milyon manat, bank kreditləri 739,2 mln. manat, büdcə vəsaitləri 2 milyard 729,8 milyon manat, büdcədənkənar fondların vəsaitləri 152 milyon, əhalinin şəxsi vəsaiti 667,8 mln. manat təşkil edib.
Bank kreditlərinin hazırda əsas kapitala qoyuluşdakı payı ötən ilin eyni dövrü ilə müqayisədə 2 dəfə azalıb və payı hazırda 7,3%-dir. Bank kreditlərinin kapitala qoyuluşda payı sonuncu dəfə bu qədər az 2015-ci ildə olmuşdu ki, o zaman isə 5,6% idi.
Göründüyü kimi, əhalinin şəxsi vəsaitləri hesabına ölkə iqtisadiyyatına qoyulan investisiyalarda az qala bank kreditləri ilə fərq kəskin şəkildə azalıb. Məsələm, 2018-ci ildə əhalinin şəxsi vəsaitləri hesabına kapitala yatırımlar 381,9 milyon manat olduğu halda, bank kreditlərinin həcmi 1 milyard 713,5 milyon manat təşkil edirdi.
Maliyyə mənbələri üzrə
|
əsas kapitala yönəldilmiş vəsaitlər 2019-cu ilin yanvar-sentyabr aylarında, milyon manat |
Əvvəlki ilin müvafiq dövrünə nisbətən (müqayisəli qiymətlərlə), faizlə |
Ümumi yekunda xüsusi çəkisi, faizlə |
|||
|
Cəmi |
10146,2 |
98,1 |
100,0 |
||
|
o cümlədən: Müəssisə və təşkilatların vəsaitləri |
5831,2 |
110,3 |
57,5 |
||
|
Bank kreditləri |
739,2 |
52,5 |
7,3 |
||
|
Büdcə vəsaitləri |
2729,8 |
102,6 |
26,9 |
||
|
Büdcədənkənar fondların vəsaitləri |
152,0 |
80,1 |
1,5 |
||
|
Əhalinin şəxsi vəsaiti |
667,8 |
91,9 |
6,6 |
||
|
Sair vəsaitlər |
26,2 |
36,9 |
0,2 |
||
