“Pakistan Milli Bankı”nın Bakı filialının kapitalının artırılacağı ilə bağlı məlumatlar həqiqətə uyğun deyil. Bu barədə FED.az-a “Pakistan Milli Bankı”nın Bakı filialından bildirilib. Bankın baş menecerinin müavini Sahib Quliyev bildirib ki, bankın kapitalının artırılması ilə bağlı məlumatı yayan şəxs (Pakistandakı mənbə) məsələ ilə bağlı o qədər də məlumatlı olmayıb.
Xatırladaq ki, hazırda Pakistan bankının kapitalı 10 milyon manat təşkil edir. Halbuki yerli qanunvericiliyə görə, bankların məcmu kapitalı ilə bağlı tələb 50 milyon manatdır. Bu göstərici ilə Pakistan bankı ölkə bankları arasında kapitalın həcminə görə, sonuncu yerdədir.
S.Quliyev xatırladıb ki, 2015-ci ildə Azərbaycan və Pakistan prezdentlərinin görüşündə bu tələbin Pakistan bankına tətbiq edilməməsi, kapitalın tələb olunan həddə qarşıdakı 20 il ərzində mərhələlərlə çatdıılması qərara alınıb.
Bank nümayəndəsinin sözlərinə görə, hələlik kapitalın hansı qrafik üzrə artırılacağı məlum deyil.
Qeyd edək ki, Pakıstan Mərkəzi Bankının Bakı filialı kredit verilməsini 2013-cü ildən məhdudlaşdırıb. Belə ki, bank hazırda yalnız biznes kreditləri verir və bununla bağlı qərarı isə bankın İslamabaddakı baş ofisi verir.
