Hansı bankın POS-terminalları sahibkarlara daha çox sərf edir? - BANKLAR, KOMİSSİYA, XƏRCLƏR

11:12 15 Dek 2025

Getdiyimiz bütün yerlərdə - market, restoran, aptek və s. digər iaşə obyektlərində ödənişləri nağdsız formada həyata keçirmək artıq adət halını alıb. Ödəniş edən zaman bir çoxumuzun ilk eşitdiyi cümlə «Kartla, yoxsa nağd olacaq?» olur.

FED.az xəbər verir ki, nağdsız – kartla ödənişlər alıcı üçün çox rahat olsa da, obyekt sahibi üçün vəziyyət bir az fərqlidir. Məsələ bundadır ki, biz hər mal və xidmət alanda məhsulun qiyməti qədər ödəniş edirik, bunun nağd və ya kartla olmasının bizə fərqi olmur.

Mağaza sahiblərində isə vəziyyət fərqlidir - ödənişi nağdsız qaydada – kartla edəndə obyekt sahibindən müəyyən dərəcədə bank faizi tutulur. Bu – posterminalı təqdim edən bankın komissiyasıdır.

Faiz dərəcələri eyni deyil - bankdan banka dəyişir. Bankların POS-terminalları ilə ödəniş dərəcələri də fərqli olur.

Məsələn, Azərbaycanda fəaliyyət göstərən banklar arasında ən aşağı faiz dərəcəsi ilə POS-terminal təqdim edən bank «Turan Bankd»ır. Bankın öz kartları ilə POS-terminallarında ödəniş zamanı 0,96% komissiya tutulur. «Turan Bank»dan başqa digər bankların kartları ilə ödəniş zamanı isə 2,5% komissiya tutulur.

Bu POS-terminalları obyektlərdə yerləşdirmək üçün bəzi banklar müəyyən məbləğdə ödəniş istsələr də, bəzi banklar POS-terminalları tam ödənişsiz şəkildə verir. Məsələn, Accesbank POS-terminal quraşdırılması üçün 650 manat, ABB, Bank Respublika POS-terminal quraşdırılması üçün 700 manat, Unibank isə POS-terminal quraşırması üçün 100 manat depozit tələb edir.

Bəzi banklarda POS-terminallara aylıq xidmət haqqı dövriyyədən asılı olaraq tətbiq olunmasa da, bəzi banklarda isə müəyyən məbləğdə xidmət haqqı tələb olunur.

Azərbaycanda fəaliyyət göstərən Bank VTB Azərbaycan filialının terminallarında yalnız Rusiya banklarının kartları ilə ödəniş etmək olur və bu terminallarda faiz dərəcəsi 3%-dir.

Aşağıdakı cədvəldə Azərbaycanda fəaliyyət göstərən bankların POS-terminalları üçün depozit məbləğləri, komissiya faizləri, xidmət haqqları göstərilib:

№	Bank	POS-terminal üçün depozit	Komissiya, %-lə	Xidmət Haqqı
1	Azərbaycan Beynəlxalq Bankı ABB	700 AZN depozit	ABB kartları ilə 2% Digər bank kartları ilə 2,5%	Aylıq 15 AZN, dövriyyə 1000 AZN-dən az olarsa, POS-terminal geri alınır.
2	Azər‐Türk Bank	200 AZN depozit	AzərTürkBank kartları üzrə 1%, digər bank kartları üzrə 2% (razılaşma yolu ilə baxıla bilər)	Aylıq minimal ödəniş haqqı dövriyyə min manatdan az olarsa 30 manatdır.
3	AccessBank	650 AZN ödəniş	AccessBank kartlarından ödənişlərdə 2%, digər bank kartlarından 3%	Xidmət haqqı yoxdur.
4	AFB Bank	300 AZN depozit	AFB Bank kartları ilə ödəniş zamanı 2% xarici kartlarla isə 3.5%	Aylıq dövriyyə isə 1000 AZN təşkil etməlidir, əks halda 20 AZN cərimə haqqı tətbiq edilir.
5	Azərbaycan Sənaye Bankı	Depozit yoxdur	ASB və Millikart üzvü olan banklar üçün 1% Milli kart üzvü olmayan və ya xarici banklar üçün 2%	Xidmət haqqı yoxdur.
6	Bank Respublika	700 AZN - ödəniş	Bank Respublika kartları vasitəsi ilə 1.47%, digər bank kartı ilə 2.47%	POS-terminalı kassaya bağlamaq üçün birdəfəlik ödəniş - 70,80 AZN və ya aylıq 9,44 AZN
7	Kapital Bank	Depozit yoxdur	Komissiya sahibkarla fərdi qaydada müəyyənləşdirilir və müqavilədə qeyd olunur. Qeyd olunan % dərəcəsi sahibkara uyğun olmazsa müqaviləyə xitam verilir.	Xidmət haqqı aylıq 30 AZN təşkil etsə də, obyektin dövriyyəsindən asılı olaraq xidmət haqqı alınmaya da bilər.
8	Paşa Bank	700 AZN depozit	Komissiya yerli kartlardan 2%, xarici kartlardan və GooglePay, ApplePay ödənişlərindən 2,2%	Aylıq dövriyyə Bakı və Sumqayıtda 1500 AZN, Sədərəkdə 1000 AZN, regionlarda 500 AZN-dən az olarsa, hər ay depozitdən 20 AZN xidmət haqqı tutulur.
9	Unibank	100 AZN depozit 15 AZN qoşulma haqqı	2,3% komissiya haqqı tutulur	POS-terminala aylıq xidmət haqqı 20 manatdır, amma aylıq dövriyyə 3 min manatdan çox olarsa pulsuzdur.
10	VTB bank	Depozit yoxdur	3%	Yalnız Rusiya Banklarının kartları ilə ödəniş
11	XalqBank	Hesab açılanda 700 AZN depozit tələb olunur, POS-terminal ödənişsiz quraşdırılır.	Azərikard prosessinq mərkəzində xidmət olunan kartlar üzrə 1,59% Mərkəzi Bankın Banklararası Kart Mərkəzi tərəfindən emal olunan ölkədaxili əməliyyatlar üzrə 2,59%	Aylıq dövriyyə tələbi Bakı və Sumqayıtda 1000 AZN, regionlarda isə 500 AZN təşkil edir. Dövriyyət tələbi qarşılanmadığı halda 25 AZN əlavə komissiya tətbiq edilir,
12	Yelo Bank	Depozit tələb olunmur, POS-terminal zədələnsə 500 AZN	Yelo Bank ASC-yə aid kartlarla 1,5%, yeri banklar və kart prossesinq mərkəzləri ilə ödənişlər üzrə 2,5%, ölkə xarici kartlarla ödənişlər üzrə 2,8%	Aylıq minimal komissiya haqqı 50 AZN, 1 ay ərzində 5000 AZN dövriyyə olmadıqda pos terminal geri qaytarılır.
13	Ziraat Bank	Depozit tələb olunmur	Ziraat Bank Azərbaycan kartları üzrə 0,75%, yerli kartlar üzrə 2,25%, xarici kartlar üzrə 2,5%	Xidmət haqqı aylıq 20 AZN təşkil edir.
14	Bank Avrasiya	Depozit 300 AZN	Bank Avrasiya kartları ilə ödənişlər üzrə 1,83%, Digər kartlarla ödənişlər üzrə 2,83%	Aylıq dövriyyə 1000 AZN-dən çox olarsa, xidmət haqqı tutulmur, az olarsa, 20 AZN xidmət haqqı tutulur.
15	Yapı Kredi Azərbaycan	Depozit tələb olunmur	Yapı Kredi Azərbaycan kartları üzrə 2%, Digər kartlar üzrə 2,5% Müştərinin dövriyyəsindən asılı olaraq güzəştlər tətbiq oluna bilər.	Aylıq xidmət haqqı 20 AZN-dən başlayır.
16	Rabitəbank	Depozit 200 AZN	Komissiya YDM-lərdə 10000 AZN dövriyyəyə qədər 1,7%, 10000 AZN-dən yuxarı hissə üçün 1,6% Market və apteklərdə 10000 AZN dövriyyəyə qədər 2,3%, 10000 AZN-dən yuxarı hissə üçün 2,2% Restoran və digər sahələrdə 10000 AZN dövriyyəyə qədər 2,5%, 10000 AZN-dən yuxarı hissə üçün 2,4% Ölkə xarici kartlar üçün bütün xidmət sahələri üzrə ödənişlərdə 2,55% komissiya haqqı tutulur.	Dövriyyə 3000 AZN-ə qədər olarsa, 50 AZN, 3000 AZN-dən 10000 AZN-ə qədər olarsa, 20 AZN aylıq ödəniş tutulur. 10000 AZN-dən çox dövriyyə olarsa, ödənişsizdir.
17	Expressbank	Depozit 300 AZN	Ölkədaxili kartlardan 2,2% Ölkəxarici kartlardan 2,5%	Aylıq dövriyyə 7-8 min AZN olmalıdır. Əks halda POS-terminal geri alınır. İlk ayda 1000 AZN-dən az dövriyyə olarsa, 30 AZN xidmət haqqı tutulur,
18	Bank of Baku	Depozit tələb olunmur	Bank of Baku kartları üzrə 1,5%, Digər kartlar üzrə 2,5%	Aylıq dövriyyə 1000 AZN-i keçməlidir.
19	Bank BTB	Depozit 500 AZN	Azəricard şəbəkəsi ilə işləyən bankların kartları 1,5 % Ölkə daxili digər kartlar 2,5% Xarici kartlar və Token əməliyyatları 3,2 %	Aylıq xidmət haqqı hər smart kassa terminalı üçün 30 AZN, dövriyyə 5 000 AZN məbləğini keçdikdə aylıq xidmət haqqı yoxdur.
20	Premium Bank	Depozit tələb olunmur	Azericard prossesinq mərkəzində xidmət olunan kartlar ilə aparılan əməliyyata görə 1,18%, Digər prossesinq mərkəzinə aid kartlar ilə aparılan əməliyyata görə 3,18%	İlk 3 ay ərzində dövriyyə 1000 AZN-dən az olarsa, POS-terminal geri qaytarılır.
21	Turan Bank	Depozit tələb olunmur	Turan Bank kartları üzrə 0,96% Digər kartlar üzrə 2,5%	1000 AZN-dək dövriyyə üçün 25 AZN, 1000 AZN-dən yuxarı dövriyyə üçün xidmət haqqı yoxdur.
22	Bank Melli İran	POS-terminal yoxdur

Qeyd edək ki, Azərbaycan Mərkəzi Bankının məlumatına görə, cari ilin oktyabr ayının sonuna ölkədə 173 min POS-terminal var. POS-terminalların çoxu Bakı İqtisadi Rayonunda (107 min ədəd), ən azı isə Şərqi Zəngəzur İqtisadi Rayonunda (245 ədəd) qeydə alınıb. Həmçinin təkcə oktyabr ayında kartlar vasitəsilə həyata keçirilən ölkədaxili nağdsız ödənişlərin həcmi 8 milyard 825 milyon manat təşkil edib. Bu ödənişlərin 1 milyard 45 milyon manatı POS-terminallar vasitəsilə gerçəkləşdirilib. Bunlarla yanaşı, keçən ilin oktyabr ayının sonu ilə müqayisədə ölkədə POS-terminalların sayı 60,4% artıb.

Aşağıdakı cədvəldə iqtisadi rayonlarda olan POS-terminalların sayı qeyd edilib:

S/N	Region	POS-terminalların sayı (ədəd)
1	Bakı iqtisadi rayonu	107,000
2	Abşeron-Xızı iqtisadi rayonu	10,803
3	Gəncə-Daşkəsən iqtisadi rayonu	7,494
4	Lənkəran-Astara iqtisadi rayonu	6,370
5	Şəki-Zaqatala iqtisadi rayonu	6,098
6	Mərkəzi Aran iqtisadi rayonu	6,072
7	Quba-Xaçmaz iqtisadi rayonu	5,188
8	Qarabağ iqtisadi rayonu	5,169
9	Qazax-Tovuz iqtisadi rayonu	5,110
10	Naxçıvan iqtisadi rayonu	3,966
11	Şirvan-Salyan iqtisadi rayonu	3,505
12	Mil-Muğan iqtisadi rayonu	3,475
13	Dağlıq Şirvan iqtisadi rayonu	2,413
14	Şərqi Zəngəzur iqtisadi rayonu	245

Digər xəbərlər

Bank 15 Dek 2025

“ABB-Qarabağ” kobrend kartı buraxılır!

Bank 15 Dek 2025

Yeni il ərəfəsində VTB Azərbaycan ilin sonuna qədər nağd kreditlər üzrə faiz dərəcələrini endirdi!

Bank 15 Dek 2025

AccessBank İsveçrənin responsAbility Investment AG şirkətindən $10 milyon kredit cəlb edib

Bank 15 Dek 2025

AccessBank-dan gömrük, vergi, səhiyyə və təhsil işçiləri üçün 7%-dək endirimlə - NAĞD KREDİT İMKANI!

Bank 13 Dek 2025

FHN işçilərinə - KOMİSSİYASIZ kredit təklifi

Bank 13 Dek 2025

İlin son faizini - QAÇIRMAYIN!

Bank 12 Dek 2025

Bank