Son illər Azərbaycanda bank kartları vasitəsilə edilən ödənişlər əhəmiyyətli dərəcədə artıb. Bunun əsas səbəblərindən biri isə cashback — yəni ödənilən məbləğin müəyyən faizinin karta geri qaytarılması — sistemidir. Xüsusilə marketlərdə edilən ödənişlər üzrə cashback faizi bankdan banka, kartdan karta dəyişir və bəzən bu fərq kifayət qədər ciddi olur.
FED.az xəbər verir ki, hazırda ölkədə fəaliyyət göstərən əsas bankların təqdim etdiyi kartlar üzrə market alış-verişlərinə tətbiq olunan cashback faizləri 0.5% ilə 7% arasında dəyişir.
Ən yüksək cashback təqdim edən kart Bank of Baku-nun “Bolkart Kredit” kartıdır. Bu kartla Araz və Bravo supermarketlərində 7%-ə qədər cashback əldə etmək mümkündür. Bu rəqəm ölkədə təklif olunan ən yüksək göstəricidir və xüsusilə geniş ailə xərcləri olan və daimi market alış-verişi edən istifadəçilər üçün ciddi üstünlük təşkil edir.
Yüksək cashback təklif edən digər kartlardan biri də Unibank-ın “UCard” məhsuludur. Bu kartda Bravo supermarketində alış-veriş zamanı cashback dərəcəsi istifadəçinin kart mərhələsinə görə dəyişir – Classic mərhələdə 3%, Pro mərhələdə 3.5%, Premium mərhələdə isə 5%-ə qədər çatır.
Rabitəbank-ın “Kartmane” kartlarında da maraqlı bir sistem mövcuddur – bu kartla adi ödənişlərdə 1-1.5%, Apple Pay və Google Pay ilə isə 3%-ə qədər cashback mümkündür. Bu isə mobil ödəniş istifadəçiləri üçün əlavə bir stimuldur.
Ümumilikdə baxıldıqda, cashback sistemləri həm banklar üçün müştəri cəlb etmə vasitəsi, həm də istifadəçilər üçün əlavə qazanc forması kimi ön plana çıxır. Gündəlik alış-veriş vərdişlərinə və istifadə tezliyinə uyğun olaraq doğru kart seçimi isə ayın sonunda əhəmiyyətli qənaətlərə gətirib çıxara bilər.
Marketlərdə alış-veriş zamanı qazanılan kəşbək faizi haqqında daha ətraflı aşağıdakı cədvəldə:
|
Kartın məxsus olduğu bank |
Kartın adı |
Marketlərdə alış-veriş zamanı qazanılan kəşbək faizi |
Kartla aylıq qazanılan maksimum kəşbək |
|
Azərbaycan Beynəlxalq Bankı |
TamKart VISA Classic Debet |
Üç fərqli kateqoriyanı seçmək olar: Kapitalist -Ərzaq mağazaları 0.5% Ailə başçısı -Ərzaq mağazaları 0.5%, Araz supermarketləri 2% Səhmdar -Ərzaq mağazaları 1%, Araz supermarketləri 2%
|
300 AZN |
|
Kapital Bank |
Birbank Cashback debet |
2% |
100 AZN |
|
Yelo Bank |
Yelo Light |
3% |
40 AZN |
|
Xalq Bank |
XalqKart CASHBACK |
2% |
300 AZN |
|
Bank of Baku |
Bolkart Debet Bolkart Kredit |
Araz və Bravo marketləri üzrə : Bolkart Debetlə - 1,5%, Bolkart Kreditlə - 7%
|
40 AZN |
|
Rabitəbank |
Kartmane Debet Kartmane Kredit |
Kartmane Debet - Kartla ödənişdə 1%, Apple Pay və Google Pay ödənişdə 1,5% Kartmane Kredit - Kartla ödənişdə 1,5%, Apple Pay və Google Pay ödənişdə 3% |
200 AZN |
|
Azər-Türk Bank |
ATB card |
0,5% |
200 AZN |
|
Bank Respublika |
Visa Neo Standard |
3% - limit 10 AZN, limiti keçdikdən sonra 0,5% |
200 AZN |
|
AccessBank |
myCard Standard |
3% |
50 AZN |
|
Unibank |
UCard |
Bravo* – Classic mərhələ 3%, Pro mərhələ 3,5% və Premium mərhələ 5% |
50 AZN |
*Qeyd: Ay ərzində 300 AZN nağdsız dövriyyəni tamamlamaqla və bankda 500 AZN həcmində depozit (Topla istisnadır) yerləşdirməklə növbəti ay Pro mərhələsinə keçmək olar. UBank-da "Pro" mərhələsinə klik etməklə həm hədəfi izləmək, həm də hədiyyələrə baxmaq olar.
Ay ərzində 800 AZN nağdsız dövriyyəni tamamlamaqla və bankda 3000 AZN həcmində depozit (Topla istisnadır) yerləşdirməklə, növbəti ay Premium mərhələsinə keçmək olar. UBank-da "Premium" mərhələsinə klik etməklə həm hədəfi izləmək, həm də hədiyyələrə baxmaq olar.
