"Şirkətlər öz şəxsi istəklərilə vəsaitlərini Bankdan çıxardıblar"
“Günay Bank” ASC “Şirkətlər “Günay Bank”dan pullarını geri götürüb” başlıqlı xəbərə münasibət bildirib. Xatırladaq ki, xəbərdə “Günay Bank”da depozitlərin, o cümlədən hüquqi şəxslərin (şirkətlərin) tələbli depozitlərinin, maliyyə institutlarının depozitlərinin kəskin azaldığından bəhs edilir. Ətraflı oxu: Şirkətlər “Günay Bank”dan pullarını geri götürüb.
ELƏCƏ DƏ BAX: Şirkətlər “Günay Bank”dan pullarını geri götürüb
Bank depozitlərin kəskin azalmasının səbəbini açıqlayıb.“Günay Bank”dan daxil omuş açıqlamada deyilir:
"“Günay Bank” ASC-nin 2018-ci ilin III rübünün hesabatı ilə bağlı müxtəlif informasiya saytlarında bu barədə gedən xəbərlərə Bank tərəfindən açıqlama olaraq bildirilir:
İlk öncə bildiririk ki, rezident maliyyə institutlarının “Günay Bank” ASC-də yerləşdiyi depozitlərin vaxtı çatdığına görə bank tərəfindən 10 milyon manatdan artıq vəsaitin geri ödənişi həyata keçirilmişdir.
Bu o deməkdir ki, bu məqamların kassa ilə bağlılığı yoxdur. Çünki, Bank ipoteka fondu hesabına verdiyi kreditlərin maliyyələşməsini həyata keçirdiyinə görə onun beş milyon öhdəliyi artmışdır.
Hüquqi şəxslərin depozitlərinin azalması onların təsərrüfat və digər fəalliyyətləri həyata keçirərkən cari hesablarından pul vasitlərinin öz şəxsi istəklərinə görə götürülməsi ilə əlaqədardır. Deməli bu göstərici normal bir hal olaraq azalmışdır.
Buna baxmayaraq fiziki şəxslərin müddətli depozitləri 21 milyondan artaraq 49 milyona çatmışdır. Bu da ölkə vətəndaşlarının banka olan güvəninin bariz sübutudur.
Bankın böyük öhdəlikləri icra edildiyinə görə, ümumi aktivləri 192 milyon 209 min manatdan 173 milyon manata düşmüşdür. Bu isə öhdəliklərin azalması hesablna baş vermişdir. Yəni vəsaitin azalması, bankın öhdəliklərinin və borclarının azalması ilə bağlıdır.
“Günay Bank” ölkənin iqtisadi-maliyyə sektorunda baş verən müxtəlif proseslərə rəğmən öz şəffalığını qoruyur. Çünki Bank və onun işçi heyəti, ictimaiyyətlə əlaqələr zamanı öz müştərilərinin, hətta onunla əməkdaşlıq etməyən ölkə vətəndaşlarının belə rəğbətinə xüsusi önəm verərək, öz imicinin ədalətli əsaslarla qorunmasına çalışır”.
