“Günay Bank” ASC təmsil olunduğu “Sumqayıt ASAN” mərkəzində Hökumət Ödəniş Portalı (HÖP) üzərindən təqdim olunan xidmətlər üzrə nağdsız ödənişlər üçün POS-terminal quraşdırıb. FED.az xəbər verir ki, bu barədə Maliyyə Bazarlarına Nəzarət Palatasının (Palata) yaydığı məlumatda bildirilir.

Bu POS-terminallar vasitəsilə kütləvi xidmətlərin və bir sıra büdcə ödənişlərinin nağdsız formada ödənilməsi artıq mümkündür.
Digər “ASAN xidmət” mərkəzlərində də nağdsız ödəniş şəbəkəsinin genişləndirilməsi üzrə fəaliyyət davam etdirilir.