Banner

Bank

Fiziki şəxslərin kreditlərinə - NECƏ GÜZƏŞT EDİLƏCƏK? – İZAHAT

Fiziki şəxslərin kreditlərinə - NECƏ GÜZƏŞT EDİLƏCƏK? – İZAHAT | FED.az
11:40 25 Aprel 2020

Xəbər verildiyi kimi, Azərbaycan Mərkəzi Bankının İdarə Heyətinin 23.04.2020-ci il tarixli qərarı ilə koronavirus pandemiyasına görə, bank sektorunda bəzi güzəştlərə icazə verilib. 

Eləcə də bax: Təcili: Azərbaycanda bank kreditlərinə - GÜZƏŞTLƏR BAŞLAYIR - RƏSMİ AÇIQLAMA

FED.az bu sənəddə fiziki şəxslər üçün güzəştləri izah edir. Əvvəla qeyd edək ki, əsas dəyişiklik ipoteka kreditlərinə aid olacaq. Onları 6 aya yaxın ləngitmək mümkündür. 

İstehlak kreditlərində isə vəziyyət fərqlidir.  

Eləcə də bax: Sığorta şirkətlərinə nəzarətdə - GÜZƏŞTLƏR EDİLƏCƏK - RƏSMİ AÇIQLAMA

Fiziki şəxslərin kreditlərində nə dəyişəcək? 

• Martın 1-dək verilmiş İpoteka kreditləri üzrə ödəniş müddəti 30 sentyabr 2020-ci ilədək restrukturizasiya olunacaq. Bu zaman banklar tərəfindən kreditin keyfiyyəti pisləşdirilməyəcək. 

• Kreditləri, eləcə də əsas borc və faiz ödənişlərini tam və ya qismən gecikdirənlərə əlavə cərimə faizi, dəbbə pulu və digər ödənişlərin tutulmaması ilə bağlı banklara tövsiyə edilib.  

• Martın 1-ə vəziyyətinə keyfiyyəti qənaətbəxş olan (yəni problemi olmayan) və pandemiya ilə əlaqədar kredit borcunu gecikdirən borcalanlar üzrə neqativ məlumatlar 30 sentyabr 2020-ci ilədək kredit bürosuna xüsusi qeydlə təqdim olunacaq (sadə desək - borcalanın kredit tarixçəsi pisləşməyəcək. 

Daha sadə desək, fiziki şəxslər üçün əsas güzəşt ipoteka kreditləri üzrə olacaq, onlar bu ödənişləri bir neçə ay ləngidə bilərlər. 
Hamının maraqla gözlədiyi adi istehlak kreditlərinə gəlincə, AMB bununla bağlı bir göstəriş verməyib, sadəcə banklara tövsiyə verilib. Formal olaraq buna əməl edib etməmək bankvın özündən asılıdır. Amma praktikaya əsasən banklar bu tövsiyələrə əməl edəcəklər.

Digər xəbərlər

Banner