IDEA İctimai Birliyi və Azərbaycan Respublikası Ekologiya və Təbii Sərvətlər Nazirliyinin birgə təşkilatçılığı, Azərbaycan Banklar Assosiasiyasının təşəbbüsü və ölkədə fəaliyyət göstərən bank əməkdaşlarının iştirakı ilə 11 aprel 2022-ci il tarixində Müşfiqabad qəsəbəsində yerləşən 51 hektar ərazidə “Ümumrespublika Yaşıllaşdırma Marafonu” ağacəkmə aksiyası həyata keçirilmişdir.
Hər zaman sosial və ekoloji məsuliyyət ehtiva edən layihələrdə aktiv iştirak edən Expressbank, bu dəfə isə “Yaşıl Marafon2022” aksiyasına qoşularaq ölkəmizin yaşıllaşdırılması və təbiətinin qorunması istiqamətində olan layihəyə böyük məmnunluqla öz dəstəyini göstərmişdir. “Expressbank”ın əməkdaşları aksiyada fəal şəkildə iştirak edərək ağacəkmə prosesinə öz töhfələrini veriblər.
