Avqustun 3-də “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan “Dəmirbank” ASC-nin balansındakı daşınar əmlaklar açıq hərraca çıxarılacaq.
“Texnikabank”ın daşınmaz əmlakı - HƏRRACA ÇIXARILACAQ
Fonddan FED.az-a bildirilib ki, daşınar əmlaklar bunlardır: "Aksa" markalı generator (ilkin satış qiyməti 5000 manat), "Çetinkaya" markalı stabilizator (ilkin satış qiyməti 1100 manat), 12 ədəd "Mitsubishi" markalı kondisioner (ilkin satış qiyməti 2400 manat), 2 ədəd isti su və isitmə sistemi (ilkin satış qiyməti 3500 manat). Daşınar əmlakların ümumilikdə ilkin satış qiyməti 12 min manatdır. Satış qiymətinin 5 faizi həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir.
