Azərbaycanın bank sektorunun strukturlaşdırılmasını sürətləndirmək lazımdır.
FED.az xəbər verir ki, bu barədə Trend-ə Beynəlxalq Valyuta Fondunun (BVF) Azərbaycan üzrə missiyasının rəhbəri Məhəmməd əl-Qorçi deyib.
Onun sözlərinə görə, bank sektoru nə qədər tez stabilləşsə, ümumilikdə ölkə iqtisadiyyatında vəziyyət bir o qədər tez normallaşar.
"İnanıram ki, hökumət, xüsusilə Maliyyə Bazarlarına Nəzarət Palatasının yaradılmasından sonra yenidən strukturlaşdırma prosesinə ciddi yanaşır".
Əl-Qorçi bildirib ki, Azərbaycan bank sektorundakı bir qədər mürəkkəb vəziyyətə baxmayaraq, hökumət bankların yenidən strukturlaşdırılması prosesində müəyyən nailliyyətlər əldə edib.
BVF rəsmisi qeyd edib ki, Bakıda səfərdə olan missiya ölkənin aparıcı banklarının nümayəndələri ilə görüşlər keçirəcək, cari yenidən strukturlaşdırma məsələsi müzakirə olunacaq.
