“Bank BTB” ASC-nin 14,45 mln. manatlıq öhdəliyi I dərəcəli kapitala çevriləcək.
FED.az xəbər verir ki, bu barədə “Report”a Bankdakı mənbə bildirib.
Onun sözlərinə görə, bununla da “Bank BTB”nin nizamnamə kapitalı 27,8% artaraq 52 mln. manatdan 66,45 mln. manata yüksələcək. Bankın dövriyyədə olan, hər biri 1 000 manat nominal dəyərə malik səhmlərinin sayı isə 52 mindən 66,45 minə çatacaq.
Xatırladaq ki, “Bank BTB” 2010-cu ildə yaradılıb. Onun səhmlərinin 75%-i Nigar İsmayıl qızı Mehdiyevaya, 19%-i Rza İsmayıl oğlu Sadiqə (Müşahidə Şurasının sədri), 6%-i isə Tükəzban Ağa qızı Mahmudovaya məxsusdur.
