Bakı Fond Birjasının (BFB) Listinq Komitəsinin qərarı ilə “BTB Bank” ASC-nin istiqrazları 3 mart 2020-ci il tarixində standart bazar seqmentində listinqə daxil edilİb.

FED.az xəbər verir ki, 5 mart  2020-ci il tarixində isə “BTB Bank” ASC-nin 2 000 000 (iki milyon) manat həcmində  istiqrazlarının ticarəti həyata  keçiriləcəkdir. İstiqrazların tədavül müddəti 1 (bir) təqvim ilidir (365 gün) və illik faiz dərəcəsi 9% olmaqla, yerləşdiyi tarixdən etibarən dövri olaraq hər rübün son iş günü ödəniləcəkdir. 

İstiqrazlar təminatsızdır, geri satın alınma nəzərdə tutulmayıb

İstiqrazların emissiya prospekti Bakı Fond Birjasının internet səhifəsində “Listinqdə olan emitentlər” bölməsindən əldə edə bilər. Yerləşdirmə üzrə anderrayter “BTB Kapital İŞ” ASC-dir.

Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” bölməsində yerləşdirmişdir.