Bank

Beynəlxalq Bankın “Mətbuat” şöbəsi - Yeni Ünvanda

Beynəlxalq Bankın “Mətbuat” şöbəsi - Yeni Ünvanda | FED.az
16:57 21 Avq 2020

Filialların transformasiyası çərçivəsində Azərbaycan Beynəlxalq Bankı xidmət ofislərinin müasirləşdirilməsini davam etdirir. Bankın “Mətbuat” şöbəsi yeni ünvanda fəaliyyətə başlayıb.

Eləcə də bax: Azərbaycan startapları - Kraudfandinqə Çıxarılacaq

FED.az xəbər verir ki, şöbə bundan sonra müştərilərə Bakı şəhəri, Yasamal rayonu, A.M.Şərifzadə küçəsi 217/73 ünvanında xidmət göstərəcək. Geniş ərazidə yerləşən, müasir bankçılıq texnologiyaları ilə təchiz olunmuş şöbə binasında müştərilərə yüksək səviyyədə xidmət üçün hər cür şərait yaradılıb.

 Məqsəd effektivliyin artırılması, müştərilərə daha əlçatan olmaq və onların məmnuniyyətinin əldə edilməsidir. “Mətbuat” şöbəsində müştərilər kassa-hesablaşma əməliyyatları, əmanətlər, pul köçürmələri, plastik kartların sifarişi, kommunal ödənişlər, nağd valyuta ilə əməliyyatlar və s. də daxil olmaqla, bir çox bank məhsul və xidmətlərindən faydalana bilərlər.

Azərbaycan Beynəlxalq Bankının İdarə Heyəti sədrinin birinci müavini İlham Həbibullayev filialların transformasiyası prosesinin Bankın inkişaf strategiyasında xüsusi yer tutduğunu qeyd edib: “Bankımız yenilənməkdə davam edir. Çalışırıq ki, müştərilərimiz bunu təkcə xidmət ofislərimizin zahiri görkəmində, müasir şəraitində deyil, onlara göstərdiyimiz xidmətin keyfiyyətində də hiss edə bilsinlər. Azərbaycan Beynəlxalq Bankı filial və şöbələrini müasirləşdirməklə yanaşı, məsafədən xidmət imkanlarını da genişləndirir. Fərdi və korporativ müştərilərimiz bu imkanlardan istifadə edərək bir çox bank məhsul və xidmətlərindən banka gəlmədən, onlayn qaydada da istifadə edə bilərlər”.

Beynəlxalq Bankın “Mətbuat” şöbəsi - Yeni Ünvanda | FED.azBeynəlxalq Bankın “Mətbuat” şöbəsi - Yeni Ünvanda | FED.az

Digər xəbərlər