Bank

Beynəlxalq Bank ilə Sberbank arasında borc məsələsi - HƏLL EDİLİB

Beynəlxalq Bank ilə Sberbank arasında borc məsələsi - HƏLL EDİLİB | FED.az
18:03 7 Noy 2019

Azərbaycan Beynəlxalq Banlkı (ABB) ilə Rusiyanın “Sberbank”ı arasında borc məsələsinə son qoyulub.

FED.az “Report”a istinadən xəbər verir ki, bu barədə hər iki tərəfin yüksək səviyyəli nümayəndələri bildiriblər.

2017-ci ildə ABB 3,3 milyard ABŞ dolları məbləğindəki borcunun restrukturizasiyası ilə bağlı plan təklif edərək həmin vəsaitin 93,9 faizinə haqqı olan kreditorların razılığını almışdı. Azərbaycan qanunları əsasında keçirilən restrukturizasiya çərçivəsində London Məhkəməsi tərəfindən icazə olmadan kreditorlara hər hansı tədbir görməyi qadağan edən moratorium verilmişdi.

Eləcə də bax:“Sberbank” qəhvə satışına - BAŞLAYACAQ

Məbləğin 20 milyon dollarlıq hissəsinə haqqı çatan və kreditorlar arasında restrukturizasiyaya yeganə razılıq verməmiş “Sberbank” ABB ilə münasibətlərinin Böyük Britaniya qanunları ilə tənzimləndiyini bildirib. 2018-ci ilin dekabr ayında London Apelasiya Məhkəməsi “Sberbank”ın xeyrinə qətnamə çıxarıb.

Maliyyə Bazarlarına Nəzarət Palatasının idarə heyəti sədri əvəzi İbrahim Alışovun dediyinə görə tərəflər arasında cari ilin 14 iyun tarixində razılıq əldə olunub: “Barışıq sazişinə əsasən Azərbaycan bankının borc öhdəliklərinin restrukturizasiyası çərçivəsində Sberbankın borc öhdəliyi məbləğində, yəni 20 milyon dollar həcmində qiymətli kağızlar buraxıldı”. Bundan sonra “Sberbank”ın London məhkəməsindəki iddiasını geri çəkdiyini bildirən İ.Alışov Moskva Arbitraj Məhkəməsinin də ABB aktivlərinə moratoriumunu ləğv etdiyini diqqətə çatdırıb.

“Sberbank” tərəfindən də borcun bütövlüklə restrukturizasiya keçmədiyi bildirilib. Problemli aktivlər departamentinin rəhbəri Maksim Deqtaryev qeyd edib: “Sazişə görə ABB “Sberbank”a həqiqətən 20 milyon dolları ödəyib”.

Digər xəbərlər