Azərbaycan Mərkəzi Bankı"Statistik bülleten 2026/İyun" buraxılışını dərc edib

Bank sektoru

FED.az AMB-yə istinadən xəbər verir ki, 30 iyun 2026-cı il tarixinə fəaliyyət göstərən 22 bankın filiallarının sayı 504, şöbələrinin sayı 83, ATM-lərin sayı 3503 olmuşdur. Hesabat ayında bank sektorunda çalışanların sayı 0.3% və ya 88 nəfər artaraq 27,462 nəfər təşkil etmişdir. 

Fəaliyyətdə olan bankların cəmi aktivləri 60 milyard 940.4 milyon manat, cəmi öhdəlikləri 53 milyard 294.8 milyon manat, balans kapitalı 7 milyard 645.6 milyon manat olmuşdur. İyun ayında bankların cəmi aktivləri 3%, cəmi öhdəlikləri 3.3%, balans kapitalı isə 1% artmışdır.

Hesabat ayında bankların kredit portfeli 3% və ya 935.5 milyon manat artaraq 31 milyard 821.3 milyon manat olmuşdur. Kredit portfelinin strukturu: ı) biznes kreditləri – 54% (17 milyard 179.5 milyon manat); ıı) istehlak kreditləri – 31.2% (9 milyard 917.3 milyonmanat) və ııı) ipoteka kreditləri – 14.8%  milyard 724.5 milyon manat).

Bankların öhdəliklərinin strukturunda ənənəvi olaraq depozit portfeli üstünlük təşkil edir – cəmi öhdəliklərin 74.6%-i və ya 39,743.7 milyon manat. Depozit portfelinin 56.1%-i (22,315.2 milyon manat) hüquqi şəxslərin, 43.9%-i (17,428.5 milyon manat) fiziki şəxslərin depozitlərindən (fərdi sahibkarlıqla məşğul olan fiziki şəxslərin depozitləri istisna olmaqla) ibarətdir. 

Fiziki şəxslərin əmanətlərinin 71.6%-i (12,476.1 milyon manat) milli valyutada, 28.4%-i (4,952.4 milyon manat) xarici valyutadadır. Fiziki şəxslərin əmanət portfelinin 65.1%-i (11,344.8 milyon manat) müddətli əmanətlərdən ibarətdir. Fiziki şəxslərin müddətli əmanətləri iyun ayında 1.2% və ya 129.6 milyon manat artmışdır. 

2026-cı ilin iyun ayında bank sektoru üzrə unikal müddətli əmanətçi sayı 2.1% (4,485 əmanətçi), ilin əvvəlindən isə 13.6% (26,475 əmanətçi) artaraq 220.6 min nəfər təşkil etmişdir. 

Hüquqi şəxslərin tələbli depozitləri 16,895.6 milyon manat olmaqla, hüquqi şəxslərin cəmi depozit portfelinin 75.7%-ni təşkil etmişdir.

2026-cı ilin yanvar - iyun aylarında banklar 716.3 milyon manat xalis mənfəət, 1,086.5 milyon manat məbləğində əməliyyat mənfəəti əldə etmişlər. Cari ilin 6 ayında banklar tərəfindən ümumilikdə 171.1 milyon manat məbləğində mənfəət vergisi ödənilmişdir.

Monetar sektor

Cari ilin iyun ayında manatla geniş mənada pul kütləsi (M2) ilin əvvəlinə nəzərən 7.1% artaraq 43,254.2 milyon manat təşkil etmişdir. • Bank sektorunun xarici öhdəlikləri ilin əvvəlinə nəzərən 148.7 milyon manat azalaraq 3,113 milyon manat təşkil etmişdir. Xarici öhdəliklərdəki qeyd olunan dəyişiklik əsasən qeyri-rezident banklardan cəlb olunmuş qısamüddətli depozitlərin həcmindəki azalma ilə əlaqədardır.

Ödənişlər sektoru

Banklar və “Azərpoçt” MMC sistemləri üzrə iyun ayının sonunda dövriyyədə olan ödəniş kartlarının sayı ötən ilin müvafiq dövrünə nəzərən 10.4% artaraq 22 milyon 798 min ədəd təşkil etmişdir. Ödəniş kartlarında debet kartlarının sayı 12% artmış, kredit kartlarının sayı isə 3.5% azalmışdır. İlin əvvəlindən ölkədaxili nağdsız əməliyyatların həcmi keçən ilin müvafiq dövrü ilə müqayisədə 14.5% artmışdır. 2026-ci ilin iyun ayı ərzində kartlar vasitəsilə həyata keçirilən ölkədaxili nağdsız ödənişlərin həcmi 9,902 milyon manat təşkil etmişdir. Həyata keçirilən nağdsız ödənişlərin 8,575 milyon manatı elektron ticarətin payına düşür. Qalan məbləğin 1,325 milyon manatı POS-terminallar, 2.5 milyon. manatı isə özünə xidmət terminalları və bankomatların vasitəsilə gerçəkləşdirilmişdir. İlin əvvəlindən ödəniş kartları ilə nağdsız ölkədaxili əməliyyatların həcmi ölkədaxili kart əməliyyatlarının 69.8-ni təşkil etmişdir. 

Banklar və “Azərpoçt” MMC ödəniş xidməti şəbəkələri üzrə dinamik artım müşahidə olunur. Belə ki, keçən ilin iyun ayının sonu ilə müqayisədə bankomatların sayı 4.4%, POS-terminalların sayı 16.9% artmışdır.