“AccessBank” cəbhəyani filiallarında təlimlərə start verib.
Eləcə də bax: “AccessBank” Azərbaycanın ərazi bütövlüyünün bərpası üçün 200 min manat ianə edir
Hər zaman əməkdaş və müştərilərinin təhlükəsizliyə önəm verən və onları qoruyan “AccessBank” ölkədə baş verən məlum hadisələrlə bağlı olaraq, təlimlərə start verib.
FED.az xəbər verir ki, təlimlər ilk olaraq Bankın cəbhəyani, həmçinin hücumlara məruz qalan digər bölgələrində yerləşən filiallarında baş tutub. Bərdə, Gəncə, Mingəçevir və Qazaxda keçirilmiş seminarların əsas məqsədi filial əməkdaşlarını təhlükəsizlik və ilkin tibbi yardımın göstərilməsi qaydaları barədə məlumatlandırmaq olub.
Cari hadisələrlə bağlı olaraq, “AccessBank”ın İdarə heyətinin sədri Anar Həsənov cəbhəyanı filiallara baş çəkərək, işğal altında olan ərazilərin azad edilməsi münasibətilə filial əməkdaşlarını təbrik edib və ölkənin ərazi bütövlüyünün yaxın gələcəkdə tam bərpa olunacağına və hər bir azərbaycanlının öz evinə qayıdacağına inamını bildirib.
