“Bank of Baku” əmanət məhsuluna dəyişikliklər edərək müştərilərə daha çox gəlir əldə etmək fürsəti yaradıb.
FED.az xəbər verir ki, bank “Dinamik” əmanət məhsulunda 1-36 aylıq müddətlər üzrə faiz dərəcələrini 1% yüksəldib. Nəticədə, “Bank of Baku”ya AZN valyutasında yeni yerləşdirilən və ya prolonqasiya edilən əmanətlərin faiz dərəcələri 11.5% -dək artıb.
Əmanət şərtlərinə edilən bu artımdan sonra müştərilərin əmanətdən əldə etdiyi gəlirin aylıq ödənildiyi hallar üçün faiz dərəcələri 12 və 18 ay üzrə 10 %, 24 ay üzrə 10.5 %, 36 ay üzrə 11 % olaraq müəyyən edilib.
Bank bu artımı faizlərin müddətin sonunda hesablandığı əmanətlərə də tətbiq edib. Belə ki, müştəri əmanəti üzrə hesablanan gəliri müddətin sonunda götürərsə, 12 və 18 ay üzrə 10.5 %, 24 ay üzrə 11 %, 36 ay üzrə 11.5 % faiz dərəcəsi ilə gəlir əldə edir.
Qeyd edək ki, “Bank of Baku”nun “Dinamik” əmanət məhsulunda ƏMANƏTİN ARTIRILMASI da mümkündür. Müddəti 12 aydan çox olmayan əmanətlərdə əmanət məbləği əmanət müddətinin yarısınadək istənilən məbləğdə artırıla bilər. Müddət 12 aydan çox olduqda isə məbləğ əmanət müqaviləsi bağlanan tarixə yerləşdirilən əmanətlər üzrə ilkin müqavilə məbləği qədər artırıla bilər.
- ƏMANƏTLƏR SIĞORTALIDIR.
Məlumat üçün bildirək ki, “Bank of Baku”ya həvalə edilən müddətdən asılı olmayaraq 100.000 AZN-dək bütün AZN valyutalı əmanətlər sığortalıdır.
- ƏMANƏTLƏR VERGİDƏN AZADDIR.
Həmçinin banka 18 ayadək müddətə yerləşdirilən 24.000 AZN-ə qədər əmanətlərin, eləcə də 18 aydan daha çox müddətə yerləşdirilən istənilən məbləğdə əmanətlərin aylıq faiz gəlirləri fiziki şəxslərin gəlir vergisindən azaddır.
Bankın əmanətlər, eləcə də digər məhsul və kampaniyaları haqqında 145 Məlumat Mərkəzi, Bank of Baku-nun rəsmi veb səhifəsi – www.bankofbaku.com və ya rəsmi Facebook səhifəsi – www.facebook.com/bankofbaku vasitəsilə ətraflı məlumat ala bilərsiniz.
Məlumat üçün qeyd edək ki, ölkənin tanınan banklarından olan “Bank of Baku” ümumilikdə 20 filial şəbəkəsi ilə 1 milyondan çox müştəriyə pərakəndə, kiçik və orta sahibkarlıq, eləcə də korporativ bankçılıq istiqamətlərində bank xidmətləri təklif edir.
