03-04 noyabr 2024-cü il tarixində, Bakıda, Mastercard-la əməkdaşlıq çərçivəsində VIII Beynəlxalq Bankçılıq Forumu (IBF-2024) keçiriləcək.

FED.az xəbər verir ki, Banklar Assosiasiyasının yaydığı məlumatda bildirilir ki, forumun mövzusu ETİBARLI, TƏHLÜKƏSİZ VƏ DAYANIQLI BANKÇILIQDIR.

Qeyd edilib ki, iki günlük tədbir Bakıda illik əsasda keçirilən iki tədbirdən biri olmaqla regionun ən nüfuzlu maliyyə-bank tədbiridir. 

VIII Beynəlxalq Bankçılıq Forumu ilə bağlı ətraflı məlumat üçün linkə keçid edə bilərsiniz. VIII Beynəlxalq Bankçılıq Forumu

Vurğulanıb ki, 8 ildir IBF özünü sənaye liderləri və maraqlı tərəflərin bir araya gələrək yeni ideyalar paylaşdığı, məhsul nümayiş etdirdiyi, təcrübə mübadiləsi apardığı, maliyyə texnologiyaları, rəqəmsallaşma və ödəniş ekosisteminin dərin mövzularının birlikdə müzakirə olunduğu mükəmməl bir platforma olaraq özünü sübut etmişdir. Bu tədbirdə yaranan yeni imkanlar və əlaqələr bizi daim ilhamlandırır.

İBF 2024, Azərbaycandakı bütün bank rəhbərlərinin iştirak etdiyi müstəsna maliyyə-bank tədbiridir. Forum, tənzimləyici orqanlardan, banklardan, fintech şirkətlərindən, assosiasiyalardan, beynəlxalq maliyyə təşkilatlarından, yerli səfirliklərdən, akademik mütəxəssislərdən, tanınmış şirkətlərin rəhbərlik nümayəndələrindən, qərar qəbuledicilərdən və influenserlərdən ibarət çoxşaxəli iştirakçıları bir araya gətirir.

Əsas Forum çərçivəsində bu il iştirakçılara dinamik inkişaf və öyrənmə imkanı yaradan maraqlı yan tədbirlər təqdim olunacaq.