Azərbaycan Əmanətlərin Sığortalanması Fondunun (ADIF) icraçı direktorunun müavini Vüqar Abdullayev əksər bağlanmış banklarda Kreditorlar Komitəsinin yaradılmaması barədə səslənən fikirlərə münasibət bildirib.
FED xəbər verir ki, o, bu barədə ləğv prosesində olan “Bank Standard” QSC-nin Kreditorlar Komitəsinin bu gün keçirilən iclasında açıqlama verib.
“Bütün bağlanmış banklarda Kreditorlar Komitəsinin yaradılması ilə bağlı məhkəməyə müraciət olunub. Hətta sonuncu bağlanmış bank olan “Dəmirbank” ASC ilə bağlı da məhkəməyə müraciət etmişik, qərarları gözləyirik”, - deyə V.Abdullayev qeyd edib.
