Bank

Azərbaycanın ən böyük bankı səhmdarlarına 127 milyon manat - DİVİDENT ÖDƏYƏCƏK

Azərbaycanın ən böyük bankı səhmdarlarına 127 milyon manat - DİVİDENT ÖDƏYƏCƏK | FED.az
08:46 24 İyun 2021

Azərbaycan Beynəlxalq Bankı (ABB) səhmdarlarına böyük məbləğdə divident verəcək.

FED,az xəbər verir ki, 23 iyun 2021-ci il tarixində Azərbaycan Beynəlxalq Bankının Bakı şəhəri, Nizami küçəsi - 67 ünvanında yerləşən Baş ofisində «Azərbaycan Beynəlxalq Bankı» ASC-nin səhmdarlarının ümumi yığıncağı keçirilib. Pandemiya şəraitində səhmdarların sağlamlığının qorunması məqsədilə səsvermə qiyabi olub. 

Toplantıda “Azərbaycan Beynəlxalq Bankı” ASC-nin kənar auditor tərəfindən təsdiqlənmiş və Audit Komitəsi tərəfindən tövsiyə edilmiş 2020-ci il üzrə maliyyə hesabatı təsdiqlənib. Bankın yeni inkişaf strategiyasının icrası nəticəsində son illərdə kapital mövqeyi, maliyyə dayanıqlılığı və mənfəətliliyi təmin edilib. 2020-ci ilin maliyyə nəticələrinə əsasən, bank səhmdarlarına dividendin ödənilməsi məsələsinə baxılıb və ötən ilin mənfəətindən 127 milyon manat dividendin ödənilməsinə qərar verilib.

Eyni zamanda Abbas Məmmədəli oğlu İbrahimov növbəti 3 il müddətinə yenidən “Azərbaycan Beynəlxalq Bankı” ASC-nin İdarə Heyətinin sədri təyin edilib.

Banner

Digər xəbərlər