Azərbaycan banklarının 2022-ci il üzrə xərcləri məlum olub.
FED.az xəbər verir ki, bakların xərc maddələrindən biri də Azərbaycan Mərkəzi Bankı qarşısındakı öhdəliklər üzrə faizlərin ödənilməsidir.
Araşdırma göstərir ki, 2022-ci ildə ölkədəki 25 bankdan 13-ü Mərkəzi Banka faiz ödənişi edib.
Bunlar «ABB Bank», «Paşa Bank», «Bank Respublika», «Accessbank», «Yelo Bank», «Bank of Baku», «Muğanbank», «Turanbank», «Expressbank», «Premium Bank», «Bank VTB Azərbaycan», «Günay Bank» və «Naxçıvanbank»dır.
2022-ci ildə ölkə bankları ümumilikdə Mərkəzi Banka 26,5 milyon manat faiz ödəyiblər və bu bankların ümumi xərclərində cəmi 1% təşkil edib.
Bəzi bankların isə Mərkəzi Banka ödədiyi faiz xərcləri bankın ümumi xərclərində böyük yer tutur. Məsələn «Günay Bank» 2022-ci ildə AMB-yə 6,7 milyon manat faiz ödəyib, bu «GünayBank»ın bütün xərclərinin 31%-nə bərabərdir.
«Naxçıvan bank» is AMB-yə 933 min manat faiz ödəyib, bu məbləğ region bankının ümumi xərclərinin 9%-ni təşkil edir.
Məbləğ baxımından AMB-yə ən böyük faizləri ABB ödəyib 7,6 milyon manat, amma bu məbləğ ABB-nin ümumi xərclərində cəmi 2% yer tutub.
Azərbaycan banklarıın 2022-ci ildəki bütün xərclərinə buradan baxmaq olar.
