Bu ilin noyabrın 1-nə Azərbaycanın regionları üzrə cəmi kredit qoyuluşu 27 milyon 81 min manat təşkil edib.

• Azərbaycan banklarına xarici valyutada ən çox hansı şəhər və rayonlar əmanət yerləşdirirlər? – SİYAHI

Bu barədə FED.az Azərbaycan Mərkəzi Bankına istinadən xəbər verir.

Məlumata görə Bakı iqtisadi rayonuna banklar tərəfindən kredit qoyuluşları 20 milyard 808 milyon  min manat təşkil edib. Hesabat dövründə banklar tərəfindən verilən ən ucuz kreditlər məhz Bakı iqtisadi rayonunda qeydə alınıb.

Belə ki, Bakı şəhərində verilən ümumi kreditlərin orta faiz dərəcəsi 11,68% təşkil edib. Burada milli valyutada verilən kreditlərin orta faiz dərəcəsi 13,36%, sərbəst dönərli valyutada isə 5,43% olub.

Bu dövrdə ən bahalı kreditlər Dağlıq Şirvan iqtisadi rayonunda verilib. Bu regiona banklar tərəfindən kredit qoyuluşu 182 milyon 130 min manat təşkil edib. Verilən ümumi kreditlərin orta faiz dərəcəsi 19,21% təşkil edib. Bu iqtisadi rayonda milli valyutada verilən kreditlərin orta faiz dərəcəsi 19,24%, sərbəst dönərli valyutada isə 7,52% olub.

Milli valyuta üzrə həcmcə ən çox kredit Bakı, ən az Dağlıq Şirvan iqtisadi rayonunda verilib. Ən ucuz kredit 13% olmaqla Bakı iqtisadi rayonunda, ən baha, Dağlıq Şirvan, Şirva-Salyan, Lənkəran-Astara, Qarabağ, Mil-Muğan, Mərkəzi Aran və Qazax-Tovuz iqtisadi rayonlarında verilib.

Sərbəst Dönərli valyutada isə ən çox kredit 4,4 milyon manat olmaqla Bakı iqtisadi rayonunda, ən az kredit isə cəmi 5 min manat olmaqla Mil-Muğan iqtisadi rayonlarında verilib. Ən ucuz kreditlər 5% olmaqla Bakı və Gəncə-Daşkəsən iqtisadi rayonlarında, ən baha kreditlər isə 15% olmaqla Mil-Muğan iqtisadi rayonunda verilib.