Azərbaycanda bəzi bankların istehlak krediti portfelləri yüz milyon, hətta milyard manat olduğu halda, bir sıra banklarda bu göstərici olduqca aşağıdır.
İstehlak kredit portfelinin həcmi üzrə – BANKLARIN RENKİNQİ (30.06.2026)
FED.az biznes və maliyyə xəbərləri portalının 30 iyun 2026-cı il tarixinə olan renkinqinə görə, ən kiçik istehlak kredit portfeli Bank Melli İrana məxsusdur – cəmi 1 milyon 205 min manat.
Siyahıda sondan ikinci yerdə Azərbaycan Sənaye Bankıdır. Bankın istehlak kreditlərinin həcmi 6 milyon 89 min manatdır.
Bank Avrasiya 25 milyon 980 min manat, Ziraat Bank 44 milyon 286 min manat, Paşa Bank isə 60 milyon 358 min manat istehlak kredit portfelinə malikdir.
Ən aşağı göstəriciyə malik 5 bank belədir:
|
Bank |
İstehlak kreditləri |
|
Bank Melli İran |
1,205 mln manat |
|
Azərbaycan Sənaye Bankı |
6,089 mln manat |
|
Bank Avrasiya |
25,980 mln manat |
|
Ziraat Bank |
44,286 mln manat |
|
Paşa Bank |
60,358 mln manat |
Bu beş bankın istehlak kreditlərinin hamısını topladıqda cəmi 137,9 milyon manat alınır.
Müqayisə üçün, bu sahədə lider "Kapital Bank"ın 3,323 milyard manatlıq istehlak kredit portfeli bu 5 bankın birlikdə göstəricisindən təxminən 24 dəfə böyükdür.
