Bank

Azərbaycanda əhalinin banklara kredit borcları azalır - STATİSTİKAYA GÖRƏ

Azərbaycanda əhalinin banklara kredit borcları azalır - STATİSTİKAYA GÖRƏ | FED.az
08:17 28 Dek 2020

 Azərbaycanda ardıcıl 2 aydır ev təsərrüfatlarına verilən kreditlər azalır

FED.az Mərkəzi Banka istinadən xəbər verir ki, Noyabr ayında ev təsərrüfatlarına verilmiş cəmi kreditlər (istehlak və daşınmaz əmlakın tikintisinə və alınmasına verilən kreditlər) 7 milyon 700 min manat azalaraq 6 milyard 757 milyon 300 min manata geriləyib. Ev təsərrüfatlarına verilmiş cəmi kreditlər Oktyabr ayında 15 milyon 400 min manat azalmışdı.

2020-ci ilin yanvar-fevral ayları ərzində ev təsərrüfatlarına verilmiş cəmi kreditlər 120 milyon 800 min manat artaraq 7 milyard 99 milyon 500 min manata çatmışdı.  Sonradan, mart-iyun ayları ərzində ev təsərrüfatlarına verilmiş cəmi kreditlər 559 milyon 500 min manat azalaraq 6 milyard 540 milyon manatadək düşmüş, iyul-sentaybr aylarında isə yenidən 240 milyon 400 min manat artmışdı. Oktyabr – noyabr dövründə isə ev təsərrüfatlarına verilmiş cəmi kreditlər 23 milyon 100 min manat azalıb.

Noyabrın sonunda ev təsərrüfatlarına verilmiş cəmi kreditlər ötən ilin sonu ilə müqayisədə 221 milyon 400 min manat az olub. 2019-cu ilin sonunda ev təsərrüfatlarına verilmiş cəmi kreditlər 6 milyard 978 milyon 700 min manat təşkil etmişdi.

Daşınmaz əmlakın tikintisinə və alınmasına (həmçinin ipoteka kreditləri) verilən kreditlər də ev təsərrüfatlarına verilən kreditlərə daxildir, bu kreditlər xaric qalan hissə istehlak kreditləridir. Ev təsərrüfatlarına verilmiş kreditlərin Noyabrın sonundakı məbləğinə (6 milyard 757 milyon 300 min manat) 2 milyard 88 milyon 200 min manatlıq daşınmaz əmlakın tikintisinə və alınmasına verilmiş kreditlər də daxildir. Noyabr ayında daşınmaz əmlakın tikintisinə və alınmasına verilmiş kreditlər 5 milyon 800 min manat, istehlak kreditləri isə 1 milyon 900 min manat azalıb.

Noyabrın sonunda daşınmaz əmlakın tikintisinə və alınmasına verilmiş kreditlər xaric ev təsərrüfatlarına verilmiş cəmi kreditlər (istehlak kreditləri ) 4 milyard 669 milyon 100 min manat təşkil edib. Bu məbləğ ötən ilin sonunda 5 milyard 39 milyon 600 min manat, cari ilin fevral ayının sonunda isə 5 milyard 136 milyon 100 min manat təşkil etmişdi.

Noyabr ayında azalma olmasına baxmayaraq hələ də daşınmaz əmlakın tikintisinə və alınmasına verilmiş kreditlər ötən ilin sonu ilə müqayisədə 149 milyon 100 minmanat çoxdur.

Qeyd edək ki, ötən ilin sonu ilə müqayisədə 2020-ci ilin 11 ayı ərzində cəmi kredit qoyuluşları 616 milyon 907 min manat  o cümlədən noyabr ayında 104 milyon 664 min manat azalaraq 14 milyard 681 milyon 276 min manata geriləyib.

Banner

Digər xəbərlər