Azərbaycanda 2022-ci ilin ilk yarım ilinin nəticələrinə görə, biznes kreditlərini artırıb-azaldan banklar məlum olub.
Eləcə də bax: Biznes kreditləri portfelinin dinamikası üzrə - BANKLARIN RENKİNQİ (30.06.2022)
FED.az RENKİNQ xəbər verir ki, 2-ci rübün (və ilk yarım illiyin) nəticələrinə görə, biznes kreditlərin kreditlərin həcmi milyon manat artaraq milyon manata çatıb.
FED.az-ın hesablamalarına görə, bu dövrdə biznes kreditlərinin ən sürətli artımı (faiz ifadəsində) «Yapı Kredi Bank Azərbaycan» və «Yelo Bank»da qeydə alınıb. Bu bankların biznes kredit portfeli müvafiq olaraq 36% və 28%, məbləğ ifadəsində isə 42,6 milyon manat və 72,4 milyon manat artıb.
Faiz ifadəsinə görə, biznes kreditlərini ən çox artıran növbəti banklar - «Kapitalbank» və «Ziraat Bank»dır.
2022-ci ilin ilk yarım illiyində «Ziraat Bank»ın biznes kreitləri portfeli 56 milyon manat və ya 24,8% artıb. «Kapitalbank»ın biznes kreditləri isə 203 milyon manat və ya 21,1% artıb.
Biznes kreditlərini məbləğ ifadəsində ən çox artıran banklardan biri Azərbaycan Beynəlxalq Bankı - ABB-dir. Ölkənin bank sektorunun flaqmanı 2022-ci ilin ilk yarısında biznes kreditlərini 186 milyon manata yaxın və ya 11,7% artırıb.
Biznesin maliyyələşdirilməsində aktiv banklardan odan «Bank Respublika» ilk yarım ildə biznes kreditlərini 72,4 milyon manat və ya 14% artırıb.
«Rabitabank»da biznes kreditləri 49,2 milyon manat, «Accessbankda» - 44,7 milyon manat artıb.
Ümumilikdə 2022-ci ilin ilk yarısında ölkədəki 26 bankdan 17-də biznes kreditləri artıb, 9 bankda isə azalıb.
Biznes kreditlərin həcminin ən çox azaldığı bank «Paşa Bank»dır- 6 ay ərzində «Paşa Bank»ın biznes kredit portfeli 71,8 milyon manat və ya 3,1% azalıb. «Premium Bank»ın biznes kreditləri 23,5 milyon manat, «Bank BTB»nin biznes kreditləri isə 7,1 milyon manat və ya 10% azalıb.
