Azərbaycanda bu ilin birinci yarısının sonuna olan vəziyyətə görə 7 bank cəmi kapitalını 10 milyondan manatdan çox artıb.
FED.az biznes və maliyyə xəbərləri portalı bu barədə bankların rüblük hesabatları əsasında hazırladığı cəmi kapitalın dinamikası üzrə renkinqə istinadən xəbər verir.
Cəmi kapitalının həcmi üzrə - BANKLARIN RENKİNQİ (30.06.2026)
Cəmi kapitalının dinamikası üzrə - BANKLARIN RENKİNQİ (2025/30.06.2026)
Renkinqə görə, kapitalını məbləğ ifadəsində ən çox artıran «Kapital Bank» olub. Bakın kapitalı ötən ilin sonuna nəzərən 160,7 milyon manat (13,6%) artaraq 1 milyard 339 milyon manata yüksəlib.
Bundan başqa, «Accesbank» kapitalını 28,7 milyon manat artıraraq 261,4 milyon manata çatdırıb.
Bank sektorunun lideri, ölkənin ən böyük bankı olan Azərbaycan Beynəlxalq Bankı da ölkədə ən yüksək olan kapitalını 2026-cı ildə də artırmağa davam edib. ABB Bankın cəmi kapitalı ilk yarım ildə 27,1 milyon manat artaraq 2 milyard 231,8 milyon manata yüksəlib.
Digər aktiv bank - «Unibank» öz kapitalını təqribən 10% və ya 21,6 milyon manat artıraraq 214,4 milyon manata çatdırıb.
Kapitalını artıran banklar arasında beşinci yeri «Azər-Türk Bank», 6-cı yeri «Ziraat Bank Azərbaycan» tutub. Bu bankların kapitalı müvafiq olaraq 11 milyon manat artıraraq 128,5 milyon manata və 13,2 milyon manat artıraraq 173,9 milyon manata çatıb.
«Bank Respublika»nın cəmi kapitalı 20,3 milyon manat (8,1%) artaraq 269,5 milyon manata, «Yelobank»ın cəmi kapitalı 13,1 milyon manat (7,4%) artaraq 189,6 milyon manata yüksəlib.
Qeyd edək ki, son altı ayda 11 bankın cəmi kapitalı 10 milyon manata qədər artıb, 3 bankın isə cəmi kapitalı azalıb.
