"Atabank" istisna olmaqla Azərbaycanda fəaliyyət göstərən 29 bankdan 14-nün ötənilki əməliyyat mənfəəti əvvəlki ilə nisbətən çox olub.
Eləcə də bax: Azərbaycanda xalis əməliyyat mənfəətinin həcmi üzrə – BANKLARIN RENKİNQİ (31.12.2019)
FED.az xəbər verir ki, bunlar "Azərbaycan Sənaye Bankı", "Bank Respublika", "Express Bank", "Bank BTB", "Turan Bank", "Kapital Bank", "Premium Bank", "Rabitəbank", "PAŞA Bank", "Naxçıvan Bank", "Azərbaycan Beynəlxalq Bankı", İran Milli Bankının Bakı filialı, "Ziraat Bank Azərbaycan" və "Xalq Bank"dır. Ən yüksək dinamika "Azərbaycan Sənaye Bankı"nda (5,5 dəfə), ən aşağı dinamika isə "Xalq Bank"da (5,6%) qeydə alınıb.
6 bankın - "Yapı Kredi Bank Azərbaycan", "Bank Avrasiya", "AFB Bank", "Günay Bank", "Yelo Bank" və "Muğan Bank"ın isə əməliyyat mənfəəti azalıb. Ən çox azalma "Muğan Bank"da (73,7%), ən az azalma isə "Yapı Kredi Bank Azərbaycan" və "Bank Avrasiya"da (6,3%) qeydə alınıb.
1 bankın - Pakistan Milli Bankının Bakı filialının əməliyyat zərəri artıq - 3,8 dəfə.
2 bankın - "Amrah Bank" və "Bank VTB Azərbaycan"ın isə əməliyyat zərəri azalıb - müvafiq olaraq 14,8% və 55%.
2 bank - "AGBank" və "NBC Bank" 2019-cu ildə əməliyyat zərəri ilə üzləşib, 2018-ci ildə əməliyyat mənfəəti əldə edib, 4 bank - "Access Bank", "Azər-Türk Bank", "Bank of Baku" və "Unibank" isə 2019-cu ildən əməliyyat mənfəəti ilə çıxıb, 2018-ci ildə əməliyyat zərərinə uğrayıb. Odur ki, bu bankların maliyyə göstəricilərinin dinamikasını hesablamaq mümkün olmayıb.
Renkinq
