2025-ci ilin ilk yarısının yekunlarına əsasən, Azərbaycanın biznes kredit portfelinin həcminə görə ən böyük banklarının adları açıqlanıb.
Bankların 30 iyun 2025-ci il tarixinə olan maliyyə hesabatlarına istinadən hazırlanan siyahıya görə, 5 bankın biznes kredit portfeli 1 milyard manatı ötüb.
Renkinqə 3 milyard 240 milyon 508 min manatla “Azərbaycan Beynəlxalq Bankı” (ABB) ASC başçılıq edir.
İkinci yerdə 2 milyard 923 milyon 511 min manatla “PAŞA Bank” ASC qərarlaşıb.
“Kapital Bank” ASC isə 1 milyard 720 milyon 339 min manatla ilk üçlüyü tamamlayıb.
Növbəti yerlərdə “Xalq Bank” ASC (1 milyard 88 milyon 48 min manat) və “Bank Respublika” ASC (1 milyard 33 milyon 704 min manat) yer alıb.
Digər banklar arasında “AccessBank” QSC 940 milyon 428 min manatla yer tutarkən, "Yelo Bank" ASC, "Ziraat Bank Azərbaycan" ASC və “Unibank KB” ASC-də bu göstərici müvafiq olaraq 611 milyon 508 min, 576 milyon 484 min və 474 milyon 258 min manat olub.
Siyahının davamında “Rabitəbank” ASC (407 milyon 857 min manat), “TuranBank” ASC (369 milyon 668 min manat), “Premium Bank” ASC (356 milyon 591 min manat) və “Azər Türk Bank” ASC (295 milyon 814 min manat) qərarlaşıb.
“Azərbaycan Sənaye Bankı” ASC-nin biznes kredit portfeli 273 milyon 243 min manat, “Yapı Kredi Bank Azərbaycan” QSC-nin portfeli 234 milyon 379 min manat, “Expressbank” ASC-nin portfeli 170 milyon 35 min manat, “Bank of Baku” ASC-nin portfeli isə 139 milyon 738 min manat təşkil edib.
Siyahının sonunda isə portfeli 100 milyon manatdan az olan “AFB Bank” ASC, “Bank VTB (Azərbaycan)” ASC, “Bank Avrasiya” ASC, “Bank BTB” ASC və “Bank Melli İran”ın Bakı filialı yer alıb.
