Azərbaycanda fəaliyyət göstərən 30 bankdan 12-nin bu ilin yanvar-mart aylarındakı əməliyyat mənfəəti ötən ilin eyni dövrü ilə müqayisədə çox olub. FED.az xəbər verir ki, bunlar "Muğan Bank", "Bank Respublika", "Azərbaycan Sənaye Bankı", "PAŞA Bank", "Premium Bank", "Kapital Bank", "Rabitəbank", "Yapı Kredi Bank Azərbaycan", "Bank Avrasiya", "Zıraat Bank Azərbaycan", "Azərbaycan Beynəlxalq Bankı" və "Nikoyl Bank"dır. Ən yüksək dinamika "Muğan Bank"da (7 dəfə), ən aşağı dinamika isə "Nikoyl Bank"da (6,2%) qeydə alınıb.
5 bankın - "Naxçıvan Bank", İran Milli Bankının Bakı filialı, "Xalq Bank", "AFB Bank" və "Günay Bank"ın əməliyyat mənfəəti isə illik müqayisədə azalıb. Ən çox azalma "Günay Bank"da (73,8%), ən az azalma isə "Naxçıvan Bank"da (3,2%) qeydə alınıb.
Hesabat dövründə 1 bankın - "Turan Bank"ın əməliyyat zərəri 6,3 dəfə artıb, 3 bankın - "Amrah Bank", "AGBank" və "Bank VTB Azərbaycan"ın əməliyyat zərəri isə müvafiq olaraq 25,8%, 61% və 77,7% azalıb.
3 bank - "Atabank", "NBC Bank" və Pakistan Milli Bankının Bakı filialı bu ilin I rübünü əməliyyat zərəri ilə, ötən ilin I rübünü əməliyyat mənfəəti ilə, 6 bank - "Access Bank", "Azər-Türk Bank", "Bank BTB", "Bank of Baku", "Express Bank" və "Unibank" bu ilin yanvar-mart aylarını əməliyyat mənfəəti ilə, ötən ilin yanvar-mart aylarını əməliyyat zərəri ilə başa vurub. Odur ki, bu bankların maliyyə göstəriclərinin dinamikasını hesablamaq mümkün olmayıb.
5 bankın əməliyyat mənfəəti 10 milyon manatdan çoxdur
Bu ilin yanvar-mart aylarında Azərbaycanda fəaliyyət göstərən 30 bankdan 7-si əməliyyat mənfəəti əldə etməyib.
Əməliyyat zərərinə uğrayan banklar Pakistan Milli Bankının Bakı filialı, "NBC Bank", "Turan Bank", "AGBank", "Atabank", "Amrah Bank" və "Bank VTB Azərbaycan"dır. Zərərin ən yüksək həddi "Bank VTB Azərbaycan"da (2,222 milyon manat), ən aşağı həddi isə Pakistan Milli Bankının Bakı filialında (119 min manat) qeydə alınıb.
Qalan 23 bank isə müxtəlif məbləğlərdə əməliyyat mənfəəti əldə edib. Onlardan 5-də bu göstərici 10 milyon manatdan çoxdur. Həmin banklar "Azərbaycan Beynəlxalq Bankı" (85,155 milyon manat), "Kapital Bank" (66,566 milyon manat), "PAŞA Bank" (36,194 milyon manat, "Access Bank" (17,339 milyon manat) və "Xalq Bank"dır (12,913 milyon manat).
Əməliyyat mənfəəti 14 bankda 1-10 milyon manat arasında, 4 bankda isə 1 milyon manatdan azdır.
Azərbaycanda 3 bankın əməliyyat zərəri azalıb
![Azərbaycanda 3 bankın əməliyyat zərəri azalıb | FED.az](upload/news/116055.jpg)
09:24
16 May 2019