2025-ci ilin ilk doqquz ayında Azərbaycan banklarının daşınmaz əmlak (ipoteka) kredit portfelinin artım dinamikası məlum olub.
FED.az xəbər verir ki, bu dövrdə bəzi banklar ipoteka kreditləşməsində kəskin artım nümayiş etdiriblər.
Hesabat dövründə ipoteka portfelini ən sürətlə artıran bank “AccessBank” QSC olub. Bankın portfeli doqquz ay ərzində 10 milyon 219 min manat artaraq, demək olar ki, iki dəfə böyüyüb və 97,1%-lik artım göstərib.
İkinci yerdə “Ziraat Bank Azərbaycan” ASC qərarlaşıb ki, onun portfeli 11 milyon 236 min manat və ya 42,8% artıb. İlk üçlüyü 11 milyon 997 min manat və ya 25% artımla “Yapı Kredi Bank Azərbaycan” QSC tamamlayıb.
Bu dövrdə həmçinin “Bank of Baku” ASC (9 milyon 280 min manat və ya 19,2%), “Azərbaycan Sənaye Bankı” ASC (3 milyon 957 min manat və ya 18,7%), “Rabitəbank” ASC (24 milyon 549 min manat və ya 15,8%) və “PAŞA Bank” ASC (29 milyon 939 min manat və ya 14,3%) də yüksək artım templəri göstəriblər.
Siyahıda ikirəqəmli artım nümayiş etdirən digər banklar arasında “Bank VTB (Azərbaycan)” ASC (7 milyon 711 min manat və ya 13,5%), “Xalq Bank” ASC (59 milyon 383 min manat və ya 12,9%), “Bank Respublika” ASC (18 milyon 812 min manat və ya 12,9%) və “Yelo Bank” ASC (10 milyon 762 min manat və ya 12,8%) də var.
Daha mülayim artım nümayiş etdirən banklar arasında “Azər Türk Bank” ASC (13 milyon 666 min manat artımla 7,1%), “TuranBank” ASC (7 milyon 756 min manat və ya 6%), bazarın liderlərindən olan “Azərbaycan Beynəlxalq Bankı” (ABB) ASC (84 milyon 705 min manat və ya 5,9%) və “Expressbank” ASC (6 milyon 595 min manat və ya 5,8%) qərarlaşıb.
Siyahının sonunda isə “Unibank KB” ASC (2 milyon 250 min manat artımla 2,3%) və “Bank BTB” ASC (761 min manat artımla 0,4%) yer alıb.
