Bank

Azərbaycanda 14 bank mənfəət vergisi ödəməyib - ADLARI

Azərbaycanda 14 bank mənfəət vergisi ödəməyib - ADLARI | FED.az
09:21 20 Fev 2020

"Atabank" istisna olmaqla Azərbaycanda fəaliyyət göstərən 29 bankdan 14-ü ötən il mənfəət vergisi ödəməyib.

Eləcə də bax: Azərbaycanda aktivlərin həcmi üzrə – BANKLARIN RENKİNQİ (31.12.2019)

FED.az "renkinq"ə istinadən xəbər verir ki, həmin banklar "Access Bank", "AGBank", "Amrah Bank", "Bank BTB", "Bank Respublika", "Bank VTB Azərbaycan", "Günay Bank", "Muğan Bank", "NBC Bank", Pakistan Milli Bankının Bakı filialı, "Rabitəbank", "Turan Bank", "Unibank" və "Yelo Bank"dır.

Baxmayaraq ki, adı çəkilən banklardan 9-u - "Bank BTB", "Bank Respublika", "Bank VTB Azərbaycan", "Günay Bank", "NBC Bank", "Rabitəbank", "Turan Bank", "Unibank" və "Yelo Bank" 2019-cu ili mənfəətlə başa vurub.

Qalan 15 bank isə müxtəlif məbləğlərdə mənfəət vergisi ödəyib. Bu baxımdan ən yüksək göstərici "Azərbaycan Beynəlxalq Bankı"nda (72,473 milyon manat), ən aşağı göstərici isə İran Milli Bankının Bakı filialında (14 min manat) qeydə alınıb.

5 bankın mənfəət vergisi ödəmələri azalıb
 
"Atabank" istisna olmaqla Azərbaycanda fəaliyyət göstərən 29 bankdan 7-nin ötən il ödədiyi mənfəət vergisi əvvəlki ilə nisbətən çox olub.

Bunlar "Azər-Türk Bank", "Zıraat Bank Azərbaycan", "Azərbaycan Sənaye Bankı", "Xalq Bank", "Kapital Bank", İran Milli Bankının Bakı filialı və "Bank Avrasiya"dır. Ən yüksək dinamika "Azər-Türk Bank"da (4,1 dəfə), ən aşağı dinamika isə "Bank Avrasiya"da (4,6%) qeydə alınıb.

5 bankın - "Naxçıvan Bank", "PAŞA Bank", "Premium Bank", "Yapı Kredi Bank Azərbaycan" və "AFB Bank"ın isə mənfəət vergisi ödəmələri illik müqayisədə azalıb. Ən çox azalma "AFB Bank"da (52,5%), ən az azalma isə "Naxçıvan Bank"da (5,8%) qeydə alınıb.

3 bank - "Azərbaycan Beynəlxalq Bankı", "Bank of Baku" və "Express Bank" ötən il mənfəət vergisi ödəyib, əvvəlki ilə ödəməyib, 14 bank - "Access Bank", "AGBank", "Amrah Bank", "Bank BTB", "Bank Respubika", "Bank VTB Azərbaycan", "Günay Bank", "Muğan Bank", "NBC Bank", Pakistan Milli Bankının Bakı filialı, "Rabitəbank", "Turan Bank", "Unibank" və "Yelo Bank" isə həm ötən il, həm də əvvəlki il mənfəət vergisi ödəməyib. Odur ki, bu bankların maliyyə göstəricilərinin dinamikasını hesablamaq mümkün olmayıb.

Digər xəbərlər