Azərbaycan banklarının nizamnamə kapitalının həcminə görə reytinqi məlum olub.
FED.az xəbər verir ki, reytinq cədvəlinə 1 milyard 281 milyon 271 min manatlıq nizamnamə kapitalı ilə “Azərbaycan Beynəlxalq Bankı” (ABB) ASC başçılıq edir. Bu göstərici ilə ABB sektorun digər iştirakçılarını böyük fərqlə geridə qoyur.
İkinci yerdə 446 milyon 600 min manatla “Xalq Bank” ASC qərarlaşıb. İlk üçlüyü isə 378 milyon manatla “Yelo Bank” ASC tamamlayır. Siyahıda növbəti yerləri “PAŞA Bank” ASC (354 milyon 512 min manat), “Bank VTB (Azərbaycan)” ASC (315 milyon 815 min manat) və “Kapital Bank” ASC (265 milyon 850 min manat) tutur.
Nizamnamə kapitalı 100 milyon manatı ötən digər banklar da reytinqdə yer alıb. Bu sıraya “Premium Bank” ASC (174 milyon 601 min manat), “Unibank KB” ASC (138 milyon 200 min manat), “AccessBank” QSC (121 milyon 750 min manat), “Expressbank” ASC (112 milyon 545 min manat), “Rabitəbank” ASC (101 milyon 300 min manat) və “TuranBank” ASC (100 milyon 6 min manat) daxildir.
Reytinqin davamında “Azər Türk Bank” ASC (79 milyon manat), “Bank Respublika” ASC (73 milyon 961 min manat), “Bank Melli İran”ın Bakı filialı (73 milyon 611 min manat), “Bank Avrasiya” ASC (71 milyon 800 min manat) və “Bank BTB” ASC (71 milyon 450 min manat) qərarlaşıb.
Siyahının sonunda isə “AFB Bank” ASC (70 milyon 393 min manat), “Ziraat Bank Azərbaycan” ASC (65 milyon 500 min manat), “Azərbaycan Sənaye Bankı” ASC (60 milyon manat), “Yapı Kredi Bank Azərbaycan” QSC (55 milyon 381 min manat) və “Bank of Baku” ASC (52 milyon 870 min manat) yer alır.
