2025-ci ilin yekunlarına əsasən, Azərbaycanda fəaliyyət göstərən bankların daşınmaz əmlak (ipoteka) kredit portfelinin həcmi açıqlanıb.
FED.az biznes və maliyyə xəbərləri portalı xəbər verir ki, hesabat dövründə ipoteka kreditləşməsi üzrə bazarın liderləri məlum olub.
Renkinqə "Azərbaycan Beynəlxalq Bankı" ASC başçılıq edir. Bankın ipoteka portfeli 1 milyard 550 milyon 750 min manat təşkil edib.
İkinci yerdə "Kapital Bank" ASC qərarlaşıb – bankın verdiyi ipoteka kreditlərinin həcmi 590 milyon 987 min manat olub.
"Xalq Bank" ASC 531 milyon 554 min manat göstərici ilə üçüncü sırada yer alıb. "PAŞA Bank" ASC isə 242 milyon 473 min manat portfellə dördüncü olub.
Digər bankların göstəriciləri aşağıdakı kimidir:
"Azər Türk Bank" ASC-də 206 milyon 602 min manat, "Bank BTB" ASC-də isə 187 milyon 404 min manat ipoteka krediti qeydə alınıb.
"Rabitəbank" ASC 185 milyon 127 min manat göstərici ilə yeddinci yerdə qərarlaşıb. "Bank Respublika" ASC 169 milyon 348 min manat həcmlə siyahıda yer alıb.
Siyahının ilk onluğunu "TuranBank" ASC (135 milyon 972 min manat) və "Expressbank" ASC (122 milyon 116 min manat) tamamlayır.
İpoteka portfeli 100 milyon manatı keçən digər bank isə "Unibank KB" ASC-dir (102 milyon 874 min manat).
Siyahının sonrakı pillələrində "Yelo Bank" ASC (98 milyon 90 min manat), "Premium Bank" ASC (74 milyon 92 min manat) və "AFB Bank" ASC (68 milyon 644 min manat) yer alıb.
Renkinqi "Bank VTB (Azərbaycan)" ASC (64 milyon 831 min manat), "Bank of Baku" ASC (62 milyon 11 min manat) və "Yapı Kredi Bank Azərbaycan" QSC (61 milyon 714 min manat) davam etdirir.
Siyahını "Bank Avrasiya" ASC (58 milyon 448 min manat), "Ziraat Bank Azərbaycan" ASC (42 milyon 295 min manat), "Azərbaycan Sənaye Bankı" ASC (24 milyon 858 min manat) və "AccessBank" QSC (22 milyon 160 min manat) tamamlayır.
Ən kiçik ipoteka portfeli isə "Bank Melli İran" Bakı filialında qeydə alınıb – 133 min manat.
