2025-ci ilin ilk yarısının yekunlarına əsasən, Azərbaycanın ipoteka kredit portfelinin həcminə görə ən böyük banklarının adları açıqlanıb.
FED.az bankların 30 iyun 2025-ci il tarixinə olan maliyyə hesabatları əsasında hazırladığı renkinqə istinadən xəbər verir ki, 11 bankın ipoteka portfeli 100 milyon manatı ötüb.
Renkinqə 1 milyard 474 milyon 697 min manatla “Azərbaycan Beynəlxalq Bankı” (ABB) ASC başçılıq edir.
İkinci yerdə 602 milyon 618 min manatla “Kapital Bank” ASC, üçüncü yerdə isə 505 milyon 488 min manatla “Xalq Bank” ASC qərarlaşıb.
Digər banklar arasında “PAŞA Bank” ASC 232 milyon 128 min manat, “Azər Türk Bank” ASC 202 milyon 694 min manat, “Bank BTB” ASC isə 189 milyon 169 min manat ipoteka portfelinə malikdir. Siyahının davamında “Rabitəbank” ASC (172 milyon 500 min manat), “Bank Respublika” ASC (159 milyon 484 min manat), “TuranBank” ASC (134 milyon 292 min manat), “Expressbank” ASC (117 milyon 838 min manat) və “Unibank KB” ASC (100 milyon 460 min manat) qərarlaşıb.
