Bank sektorunda şəffaflığın və maliyyə hesabatlarının düzgünlüyünün təmin edilməsi üçün audit şirkətlərinin rolu olduqca önəmlidir.

Dövlət qurumu 3 illik auditini bu şirkətə - HƏVALƏ ETDİ

FED.az xəbər verir ki, xüsusilə son bir neçə ildə bəzi bankların ilk baxışdan qəflətən bağlanmasından sonra həmin bankların auditi ilə məşğul olan şirkətlərə suallar yaranmağa başlayıb.

Nəticədə indi bankların auditi təkcə bir neçə 10 min manatlıq gəlirli müqavilə deyil, həm də ciddi məsuliyyətdir.

FED.az xəbər verir ki, 2023-cü il, bankların audit şirkətləri ilə əməkdaşlıqlarında bəzi mühüm dəyişikliklərlə yadda qalıb.

2023-cü ildə bankların auditi ən çox «Baker Tilly Azerbaijan» şirkətinə etibar olunub. Şirkət keçən il ərzində 8 sifariş alıb. Bu şirkət 2022-ci ildə də bir çox bankın auditini həyata keçirib, lakin 2023-cü ildə «Turan Bank» bu şirkətdən imtina edərək auditi «Nexia EA» şirkətinə həvalə edib.

«Deloitte & Touche LLC» 3 bankın, «Grant Thornton Azerbaijan» isə 2 bankın auditini həyata keçirib.

«Deloitte & Touche LLC»  şirkəti isə 2023-cü ildə «Azər-Türk Bank»ın auditini həyata keçirərək yeni bir müştəri qazanıb. Qeyd edək ki, 2022-ci ildə bu bankı «KPMG Audit Azerbaijan LLC» audit etmişdi, bu dəyişiklik KPMG-nin müştəri itirdiyini göstərir.

Digər bankların audit şirkətləri dəyişməyib və əvvəlki il ilə eyni şirkətlərlə əməkdaşlığa davam ediblər.

Daha detallı banklar və uditorlar haqqında aşağıdakı cədvəldə :