Dövlət bankı Azər Türk Bank klassik bank modelindən uzaqlaşaraq, müasir elektron xidmət şəbəkəsi yaratmaq əzmindədir.

Eləcə də bax: "Azər Türk Bank" kart müştəriləri üçün - CASHBACK MƏBLƏĞLƏRİNİ AÇIQLADI

Bankın qurduğu ekosistem müştərilərə, o cümlədən hüquqi şəxs və fərdi sahibkarlara  tam olaraq onlayn  qaydada  xidmət göstərməyə lazımi imkan verir.

Artıq neçə müddətdir Bankın saytında yer almış https://hub.atb.az/ portalından  müştərilər məmnunluqla istifadə edirlər.

Bu portal korporativ müştərilərin Bankla təmasını bütünlüklə rəqəmsallaşdırmağa şərait yaratmış bir həlldir.

24/7 rejimində çalışan, müştərilərə bank əməliyyatlarının məsafəli, təhlükəsiz və sürətli şəkildə həyata keçirmək imkanı verən “ATB Business” internet və mobil bankçılıq tətbiqləri ilə yanaşı, hub.atb.az portalı vasitəsilə bütün növ müştəri müraciətləri və sifarişlərinin elektron qaydada qəbulu və icrası, qarşılıqlı sənəd mübadiləsi, sənədlərin imzalanması təmin edilir.

İmkanları daima genişlənən portal hazırda 4 istiqamətdə xidmət göstərir:

Növbə anketi— bu imkan sayəsində müştərilər Banka müraciət ünvanlamaqla, aparılmalı olan əməliyyatlarını öncədən sifariş edir və Banka gələrkən onlara növbədənkənar, qısa müddət ərzində xidmət göstərilir;

İnternet bankçılıq müraciəti— Bankda distant hesab açmış korporativ müştərilər buradan “ATB Business” internet və mobil bankçılıq tətbiqlərinə qoşulmanı rahatlıqla edə bilirlər;

Elektron sənəd dövriyyəsi – portalın bu həlli sayəsində Bank və müştərilər qarşılıqlı, istərsə də birtərəfli qaydada müxtəlif sənəd (ərizələr, arayışlar, müraciətlər və s.) mübadiləsini, elektron şəkildə sənədlərin “Asan İmza” vasitəsilə imzalanması (bütün növ müqavilələr, sazişlər, razılaşmalar və s.) və arxivləşdirilməsi həyata keçirilir;

Terminaldan məxaric – korporativ müştərilər hesablarından vəsaitlərin məxaricini rahat şəkildə, növbəsiz rəsmiləşdirə və bankın müxtəlif xidmət strukturlarında quraşdırılmış müasir ADM terminallar vasitəsilə əldə edə bilirlər.

Bankın məhsul və xidmətləri barədə ətraflı məlumatı www.atb.az saytından, bankın sosial şəbəkələrdəki rəsmi korporativ səhifələrindən, WhatsApp (055) 3000 945, yaxud 945 nömrəli Çağrı Mərkəzindən əldə edə bilərsiniz.