Dövlət bankı Azər Türk Bankın 01 yanvar 2020-ci il tarixinə aktivlərinin həcmi 347,7 milyon manat səviyyəsində olmuşdur.
Eləcə də bax: Banklar 2019-cu ili belə başa vurdular- MƏNFƏƏT VƏ ZƏRƏR - SİYAHI - YENİLƏNİR
FED.az xəbər verir ki, bankın kredit portfelinin həcmi 7% artaraq 178,4 milyon manata çatmışdır. Cəmi bank öhdəlikləri 292,1 milyon manat təşkil etmişdir.
Məcmu kapitalın həcmi 50,3 milyon manat olmuşdur. Qeyd edək ki, Bankın məcmu kapitalının adekvatlıq əmsalı 34%, leverec əmsalı isə 13,6% təşkil edir ki, bu da müəyyən edilmiş normalardan üç dəfə çoxdur.
Bankın nizamnamə kapitalı 50 milyon manat səviyyəsindədir.
Ötən ilin son rübündə Bank 602 min manat həcmində xalis mənfəət əldə etmişdir ki, bu da 2018-ci ilin müvafiq dövrü ilə müqayisədə üç dəfədən çoxdur.
Depozit portfeli 142,1 milyon manat həcmində olmuşdur ki, bunun da 38 milyon manatı əhalinin əmanətləridir.
2019-cu ildə Bankın müştərilərinin sayı 36 faiz artaraq 65 990 nəfərə çatmışdır.
1995-ci ildən fəaliyyət göstərən "Azər-Türk Bank" ASC-nin səhmlərinin 75 faizi Azərbaycan dövlətinə məxsusdur.
