Azərbaycanda fəaliyyət göstərən 30 bank bu ilin yanvar-sentyabr aylarında 171,8 milyon manat xalis mənfəət əldə edib ki, bu da onların oktyabrın 1-nə malik olduqları 29 201,8 milyon manat məbləğində aktivlərin 0,6%-i qədərdir.

Bu, aparılan araşdırma nəticəsində məlum olub.

Ayrı-banklarda isə sözügedən nisbət fərqlidir. Belə ki, bu ilin ilk 9 ayını mənfəətlə başa vurmuş 24 bank arasında aktivlərindən ən yaxşı istifadə edəni "Unibank" olub. Bu bankın əldə etdiyi mənfəət aktivlərinin 5,1%-ni təşkil edib. Baxmayaraq ki, "Unibank" aktivlərinin məbləğinə görə, 30 bank arasında 8-ci yerdə qərarlaşıb.  

Bir qədər əvvəl "Bank Silk Vey" adından imtina etmiş "Premium Bank" isə yanvar-sentyabrda aktivlərinin 4,6%-i qədər mənfəət əldə edib və fəaliyyət effektivliyinə görə, 2-ci yeri tutub. Bu bank aktivlərinin məbləğinə görə, Azərbaycanda 10-cudur.

3-cü yerə isə 3,8%-lik göstərici ilə ölkənin ən böyük bankı - "Azərbaycan Beynəlxalq Bankı" sahib olub.

Mənfəətlə işləyən qalan 21 bankdan 2-də sözügedən göstərici 2-3% arasında, 7 bankda 1-2% arasında, 12 bankda isə 0-1% arasında dəyişir.

Eləcə də bax: AMB-nin pul siyasətini nəzərdən keçirəcəyi tarixlər açıqlanıb