Asiya İnfrastruktur İnvestisiya Bankına (AIIB) Azərbaycan üzrə yeni direktor təyin edilib.
Fed.az “Report”a istinadən xəbər verir ki, yeni direktor Ömər Ədhəm Bayar Türkiyə vətəndaşıdır.
Ö.Bayar Azərbaycanla yanaşı Bruney, Gürcüstan, Qırğızıstan, Pakistan və Türkiyə üzrə də direktordur.
Qeyd edək ki, bundan öncə həmin vəzifəni Türkiyə rəsmisi Hakan Tokaç tutub. AIIB-in iki alternativ direktoru var ki, onlardan biri pakistanlı Ömər Həmid Xan (Amar Hamid Khan), digəri isə azərbaycanlı Könül Əliyevadır.
Xatırladaq ki, 2015-ci il iyunun 29-da Pekində 57 ölkə AIIB-in yaradılması üçün müqavilə imzalayıb. Azərbaycan tərəfindən bu müqaviləni maliyyə naziri Samir Şərifov imzalayıb. Rəsmi Bakının üzvlüyü 2016-cı il iyunun 24-də ratifikasiya edilib.
